Мемлекеттік тіркеу жүйесі жетілдірілді

Гүлшат БИКЕНОВА, Астана қаласы Әділет департаментінің жылжымайтын мүлікке құқықтарды тіркеу жұмысын ұйымдастыру бөлімінің бастығы:

– Биылдан бастап жылжымай­тын­ мүлік иелену құқын эл­ек­трон­ды мемлекеттік тір­кеу жүр­гі­зі­лу­де. Мұның ар­тық­шы­лы­­ғы неде?
– Бұл жылжымайтын мүлік ие­ле­ну­­ құқығын мемлекеттік тіркеуді же­­­ң­­іл­­­де­­ту­ үшін қолға алынды. «Жыл­­­­жы­­­май­­тын­­ мү­лік­ке­­ құ­қық­ты­ мем­­­­ле­­кет­­тік­ тір­кеу­ ту­ра­лы» ­заң­ға ен­­­гі­­зіл­­ген­­ өзгерістерге сәйкес, 2013­­­ жылдың 1 қаңтарынан бас­тап­ Қа­зақстан аумағында жылжы­май­­тын­ мүлікті иелену құқын мем­­ле­­ке­т­тік­ тіркеудің электронды жүйесі енгізілді. Ол мәмілеге но­та­­риалды куәландырылған соң, бірегей нотариалдық ақпараттық жүйеден құқықтық кадастрдың ақ­па­рат­тық­ жүйесіне келіп түскен құқық айқындаушы құжаттың эл­ек­тронды көшірмесі арқылы жү­зе­ге асырылады.
– Астанада тұңғыш рет электронды тіркеу қызметін кім пайдаланды?
– Астана қаласының жеке нотариусы Әйгерім Айкешева жылжымайтын мүлікті иелену құқын тұңғыш рет электронды түрде тір­кеді.
– Тіркеу жазбасы қалай жү­зе­ге асты?
– Сатып алу-сату келісімшарты ре­сімделгеннен кейін нотариус­ электронды тіркеуге сатып алу­шының жазбаша келісмін ала отырып, «Е-нотариат» бағдарла­масы (бірегей нотариалдық ақпараттық жүйе) арқылы құ­қық айқындаушы құжат Әді­лет­ департаментіне электронды нұс­қа­да жолдады. Онда нота­риус­тың электронды сандық қолы қо­йылған.
– Ал, мемлекеттік баж салы­ғын электронды түрде төлеу қа­рас­тырылған ба?
– Жылжымайтын мүлікті сатып алушы келісімшартқа қол қойғаннан кейін, мемлекеттік баж банктің төлем карточкасымен Қазақстан Республикасы Электрондық үкіметінің төлеу шлюзі арқылы төлейді. Жылжымайтын мүлікті электронды тіркеу небәрі бір күн ішінде жүзеге асырылды.
– Электронды тіркеу үшін қандай құжаттар керек?
– Тіркеу үшін азаматтардың электронды сандық қолтаңбалары қажет емес. Оның орнына ЖСН, интернетке қолжетімділік және банктік төлем карточкасы болу керек. Заңи және жеке тұлғалар үшін мұндай рәсімнің артықшылығы – уақыт пен материалдық шығынды үнемдеу. Елбасының тапсырмаларын жүзеге асыруда, жылжымайтын мүлік иелену құқын электронды мемлекеттік тіркеу жүйесі қолбайлау кедергілерді жою, азаматтарға қолайлы жағдай жасап, келешекте осы тездетілген қызмет түрін пайдаланушылар қатарын арттыруды көздейді.

Гүлмира АЙМАҒАНБЕТ