МЕМЛЕКЕТТІК РӘМІЗДЕР СТАНДАРТҚА САЙ КЕЛУ КЕРЕК

0 291

ERA_7384

Қала әкімдігінде Ішкі саясат басқармасының ұйымдастыруымен мемлекеттік рәміздердің стандартқа сәйкес қолданылуы жөнінде арнаулы семинар өткізілді. Жиынға Мемлекеттік рәміздер жөніндегі қалалық комиссия мүшелері қатысты.

Семинар барысында аудан әкімдігінің өкілдері «Қазақ­стан Республикасының мемле­кеттік рәміздері туралы» конс­титуциялық заңның сақталуы бойынша атқарылған жұмыстар жөнінде есеп берді. Елорда аума­ғында өткізілген тексеру шара­ла­рының нәтижесі таныстырылып, анықталған кемшіліктерді жою бойынша ескертулер берілген. Аталған бағыттағы жұмыстарды одан әрі жетілдіру көзделуде.

«Мемлекеттік рәміздерді құр­меттеу – әрбір азаматтың мін­деті. Ал, олардың белгіленген стандарттарға сай келуі мен орналасу тәртібі аса маңызды. Ел  Үкіметінің 2007 жылғы қаулысы бойынша Мемлекеттік Ту мен Елтаңба ұлттық стандарттарға сәйкес болуы тиіс. Бұл стандарттар 2008 жылдың 1 сәуірінен бастап енгізілгені белгілі. Бұл талаптарды орындамаған мекемелерге жауапкершілік қарастырылады»  дейді Астана қаласы Ішкі саясат басқармасының Талдау, мониторинг және әдістемелік жұмыс бөлімінің басшысы Гүлжан Елубаева.

Семинар соңында ҚР Елтаң­басының авторы Жандарбек Мәлібеков  нышанның  құрылымы мен тарихы жөнінде қысқаша баяндама оқыды.

Гүлмира ШАРХАНҚЫЗЫ

 

Пікір жазу

Почтаңыз жарияланбайды

1 × 2 =