Memlekettik qızmettiñ sapasın arttırw – bastı talap

0 141

Qazaqstan Respwblïkası Memlekettik qızmet isteri mïnïstrliginiñ Astana qalası boyınşa departamenti sıbaylas jemqorlıqpen küreswdiñ qazirgi zamanğı sayasatı jöninde ğılımï-täjirïbelik konferencïya ötkizdi.

152f2e62578

Jïındı aşqan jäne jürgizip otır­ğan Departament basşısı Tilegen Qaskïnniñ aytwınşa, elimiz täwelsizdik alğan 25 jıldıñ işinde memlekettik qızmetti reformalaw men jetildirwge erekşe köñil bölinip, memlekettik qızmetşilerge qoyılatın talaptar küşeytilgen.
–Kez kelgen memlekettiñ örkendewi azamattıq qoğamnıñ damwına tikeley baylanıstı. Elbası usınğan «100 naqtı qadam» ult josparında jemqorlıqqa qarsı küresti küşeytw mäselesi anıq körsetilgen. Bïıl bizdiñ departament jumısınıñ negizgi bağıtı memlekettik qızmet körsetw sapasın joğarılatıp,  halıqtıñ senimin arttırw boldı. Osı salanıñ pärmendiligi men tïimdiligi jemqorlıq deñgeyiniñ tömendewine septigin tïgizetini sözsiz, – deydi Tilegen Tölegenulı.
«Sıbaylas jemqorlıqqa qarsı qazirgi zamanğı sayasat» taqırıbındağı konferencïyanıñ maqsatı – jemqorlıq quqıq buzwşılıqtıñ aldın alw jäne   oğan müldem tözbewşilik qağïdatın jurtşılıqtıñ sanasına siñirw.
Jïında Astana qalası prokwrorınıñ ağa kömekşisi Berik Meldebekov söz alıp, sıbaylas jemqorlıqqa qarsı mädenïetti qalıptastırw mañızdı mindet ekendigin atap ötti. Osığan baylanıstı aqparattıq jäne uyımdastırwşılıq sïpattağı şaralar udayı ötkizilip turatının da ayta ketti.  Berik Äzimhanulınıñ  keltirgen deregi boyınşa, tek bïılğı jıldıñ alğaşqı toqsanında jemqorlıqqa qatıstı 109 quqıq buzwşılıq anıq­talıp, esepke alınıptı. Sonday-aq, osı merzim işinde elordalıq swd'yalar 8 qılmıstıq isti qarap ülgergen. Qızmettik ökilettiligin asıra paydalanğandar qan­day jawapkerşilik arqalaytının aytqan prokwrordıñ ağa kömekşisi para alw da, para berw de qılmıs ekendigin jetkizdi.
Konferencïya barısında  departa­menttiñ Memlekettik qızmetter basqar­masınıñ basşısı Gülnär Sämenqulova  mekemeniñ atqarğan jumıstarımen tanıstırdı.
–Elbası «Qazaqstan – 2050» strategïyasında memlekettik qızmettiñ sapasın arttırw arqılı halıqqa qolaylı jağday jasawdı ayrıqşa atap ötti. Bizdiñ bastı mindetimiz – azamattarğa sapalı, tïimdi äri  jıldam qızmet körsetw, – dedi ol.
Memlekettik qızmetter departamenti sıbaylas jemqorlıqtıñ aldın alw maqsatında memlekettik organdardıñ qızmetin baqılaw, bağalaw, saraptaw bağıtında turaqtı tekserwler öt­kizip turadı eken. Bıltır ortalıq mem­lekettik organdardıñ 12 awmaqtıq, jer­gilikti atqarw organdarınıñ 16 qurılımdıq bölimşesiniñ qızmetine baqılaw jürgizilgen. Sonıñ qorı­tındısında  jemqorlıqqa jol aşqan 170 jağday men  38 jasırın memlekettik qızmet körsetw  anıqtalğan.  Halıqqa qızmet körsetw barısında kemşilikter anıqtalğan mekemelerge kem-ketikti qalpına keltirw jöninde usınımdar joldanğan.
Jïındı qorıtındılığan departament basşısı Tilegen Qaskïn barşa jurtşılıqtı jemqorlıqpen bükil qoğam bolıp küreswge şaqırdı.

Qımbat TOQTAMURAT

Pikir jazw

Poçtañız jarïyalanbaydı

15 − five =