ءماۋلىت – مەرەيلى مەرەكە

0 177

ءماۋلىت – اقىرعى پايعامبار مۇحاممەدتىڭ (س.ع.س.) دۇنيەگە كەلگەن كۇنى. ول ادامزات تاريحىنىڭ دامۋىن كۇرت وزگەرتىپ، رۋحاني ءارى قوعامدىق سالادا ەڭ ۇلى توڭكەرىس جاسادى. ادامداردىڭ وي-ساناسىن اقيقاتقا جەتەلەپ، جۇرەكتەرىنە مەيىرىم مەن راقىم سىيلادى. سوڭعى پايعامبار كەلەر كەزدە اراب تۇبەگى عانا ەمەس، كۇللى ادامزات ەڭ اۋىر كەزەڭدى باستان كەشىرۋدە ەدى. جەر ءجۇزى حالىقتارى نانىم-سەنىم تۇرعىسىنان ءبىر-بىرىنە كەرەعار توپتار مەن تايپالارعا ءبولىنىپ، جىك-جىككە ىدىرادى.­ ادامگەرشىلىك قادىر-قاسيەت اياقاستى ەتىلىپ، كۇشتىلەر السىزدەرگە كۇن كورسەتپەي، تابانىنا سالىپ ەزۋمەن بولدى.

ۆيزانتيا، ريم، ءۇندىستان، مەسو­پو­تاميا، مىسىر، قىتاي سياق­­تى­ كونە مادەنيەت وشاقتارىندا قوعامدىق ءدىني احۋالدىڭ تىم مۇشكىل بولعانىن ءدىن­دەر تاريحى دا راستايدى. مىنە، وس­ىن­داي قاراڭعى داۋىردە اللاھ تاعالا ءسۇي­ىك­تى قۇلى مۇحاممەدكە (س.ع.س.) پاي­عام­بارلىق مىندەتتى جۇكتەدى. مەيىرىم مەن مەيىرباندىقتىڭ، ادامگەرشىلىك پەن­ پاراساتتىلىقتىڭ، ىزگىلىك پەن جاق­سى­لىق، كوركەم مىنەز-قۇلىقتىڭ ۇلگىسىن پاش­ ەتسىن دەپ ونى كۇللى الەمگە را­قىم ەتىپ جىبەردى.

قۇران-كارىمدە «ءبىز سەنى بۇكىل ءال­ەم­­­­گە راقىم ەتىپ قانا جىبەردىك» دەپ اي­­­­تىل­­­عان. اللاھ ەلشىسى بۇنى بۇكىل عۇ­­مى­­­رى­مەن­ تاماشا تۇردە جۇزەگە اسى­را­ ءبىل­دى. ەكى جيھان سۇلتانىنىڭ را­قىم­دى­­­لى­­­عى­­ –­ تەك ادامزاتتى عانا ەمەس، بار­­لىق­ بولمىستى قامتىعان جانە ءالى دە­­ قامتىپ كەلە جاتقان، بۇدان كەيىن دە­ ­قامتي بەرەر تەرەڭ سۇيىسپەنشىلىك.

حازىرەتى پايعامبار (س.ع.س) بۇكىل ادامزاتقا مەيىرىمدىلىك پەن راقىم الىپ كەلدى. دوستارى تۇگىلى، دۇشپاندارى دا ودان تەك قانا جاقسىلىق پەن ىزگىلىك كور­دى.­ ول ادامدارعا مەيىرىمدىلىك پەن جا­نا­شىرلىق ءدانىن ەگە ءبىلدى. ولاردىڭ ماڭگىلىك باقىتى ءۇشىن ءبىر ورنىندا دا­مىل­ تاپپاي، ۇنەمى تالماي-جالىقپاي تۋ­را­ جولعا شاقىرۋمەن بولدى. ولارعا جا­نى­ اشىعانى سونشالىق، ءتىپتى، ءوز جا­نىن­ قۇربان ەتۋدەن دە ايانبادى. قۇ­ران­-كارىمدە اللاھ ونىڭ اپتىققان، اس­ىق­­قان­ كوڭىلىن باسىپ، ءجيى-ءجيى «ولار قۇ­ران­عا­ سەنبەيدى دەپ قاتتى كۇيزەلىپ ءوز­ىڭ­دى­ جەپ بىتىرە جازدايسىڭ» دەيدى.

قاسيەتتى ءماۋلىت كۇنى پاي­عام­با­رى­مىز­دى جۇرەكتەرىندە قايتا جاڭ­عىر­تىپ،­ وعان (س.ع.س.) سانسىز ساۋياۋات اي­تىپ، سالەم جولدايدى.

ءماۋلىت امالىنىڭ ەڭ باستىسى – اد­­­ام­­­­دار­­دىڭ­­ ءبىر­ جەر­گە­ جينالىپ، قۇ­­ران­­نان­ بىلگەن سۇرەلەرىن، ونىڭ ءىش­ىن­دە­ يس­لام­ ءدىنىنىڭ باستاپقى قا­لىپ­تا­سۋ كە­زە­ڭىن­دە­گى­ جاعدايلار مەن وقي­عا­لار­­­عا،­ پايعامبارىمىزدىڭ (س.ع.س.) ءدۇ­نيە­گە­ كەلۋىنە بايلانىستى ءتۇس­كەن­ ايات­تار­دى­ داۋىستاي وقيدى. جي­نال­عان­ مۇ­سىلماندار ۇلىق پاي­عام­با­رى­مىز­دىڭ­ (س.ع.س.) تۋعان كۇنى وعان دەگەن ءوز­ سۇيىسپەنشىلىگى مەن جۇرەكجاردى قۋ­ا­نى­شىن بىلدىرگەنى ءۇشىن ساۋاپ الادى.

ادامدار پايعامبارىمىزدىڭ (س.ع.س.) دۇنيەگە قالاي كەلگەنى جانە ءومىر جولى، قىزمەتى جايلى ءتالىمى مول عيبراتتى اڭگىمەلەردى ەستىگەن ۋاقىتتا وعان (س.ع.س.) ورىندارىنان تۇرىپ، قۇر­مەت­ كور­سەتەدى.

ەگەر مۇسىلماندار نەندەي دە ءبىر­ ءىس­­تى­­ بار­ ءدى­لى­مەن­ ۇناتسا، ونىسى­ اللا ال­­­دىن­­­دا­­ دا سۇيكىمدى دە ۇنامدى. پاي­عام­­با­­رى­­مىزدىڭ­ (س.ع.س.) مىنا ءحاديسى بۇل­­ پىكىردى تولىعىمەن قۋاتتايدى. «مۇ­­سىل­­مان­دار­ جاقسى كورگەن نارسە ال­لا­نىڭ­ الدىندا دا جاقسى». قازىر مۇ­سىل­­مان­دار پايعامبارىمىزدىڭ (س.ع.س.) تۋ­ىل­عان كۇنىن تويلاۋدى جانە دە وندا سا­لاۋ­ات ايتىلعاندا ورىندارىنان تۇ­رۋ­­دى­­ دا ءجون كورەدى.

ۇلىق پايعامبارىمىزدىڭ (س.ع.س.) ءماۋ­لى­تىن­ تويلاۋعا رۇقسات بەرىلگەن، ال­­ وعان­ قاتىسقان ادام ساۋاپ الادى.­ ءپا­­تۋ­­ا­­دا­ وع­ان­­ مىناداي رۇقسات كەل­تى­رىل­گەن­ «ەي، تۋرا دىندەگى باۋىرلا­­رىم!­ راسۋلاللاھتىڭ (س.ع.س.) حا­دي­سى­نە امال ەتۋىمىز بىزگە ءۋا­جىپ».­ پاي­عام­با­­رى­مىز:­­ «مەن­ سەن­­دەر­­گە­­ ەكى­­ ءنار­سە­نى­ قال­دىر­دىم،­ ەگەر ونى­ مىق­­تاپ­­­ ۇس­­تا­ڭ­دار،­ مەنەن كەيىن ەش­قا­شان­ اد­اس­پاي­سىڭ­­دار.­­ ول اللانىڭ كى­تا­بى­ جانە مە­نىڭ­ سۇننەتىم». بىزگە ال­لاھ­تىڭ­ پەن­دە­لە­رى­نە­ قۇراندى، ونىڭ ءتاپ­سى­رىن­ جانە دە­ راسۋلاللاھتىڭ (س.ع.س.) حا­ديس­تەرىن وقىپ ءتالىم الۋىمىز، بىزگە بۇيىرعان ءنار­سەگە امال ەتىپ، رۇقسات بەر­مە­گەن­دە­­رى­نەن­ تىيىلۋىمىز ءۋاجىپ.

بۇكىل الەمگە راقىم ەتىپ جىبەرىلگەن سۇيىكتى ەلشى ەڭ ۇلكەن دۇعاسىن اقىرەتكە ساقتاعان. ىزىنە ەرگەن ۇمبەتىنە اقى­رەت­تە ­شاپاعات ەتەدى. ءبىز جولداعان سالاۋات پەن سالەم كۇناھار بولعان كۇننىڭ ءوز­ىن­دە ونىڭ شاپاعات ەتۋىنە سەبەپكەر. پايعامبارىمىز ءوزى دە مەنىڭ شا­پا­­­­عا­­­­تىم­­ – ءۇم­بە­تىم­نىڭ­ اراسىنان ەڭ ءۇل­­­كەن­­ كۇ­نا­ جا­سا­عان­دار­عا»­ دەگەن جوق پا­­­ ەدى؟!­ ول ءۇشىن پايعامبارىمىزعا دە­­­گەن­­ جۇرەگىمىزدە ءسال دە بولسا ما­حاب­­بات­­ بولۋى شارت. اللا تاعالا ءبىز­دىڭ­ ءجۇ­رە­گى­مىز­گە­ تەرەڭ يمان، پاي­عام­با­رى­مىز­­عا­ دە­گەن­ ماحاببات سىيلاپ، ونىڭ ءۇم­بە­تى بولۋعا لايىق قىلسىن. اقىرەتتە ونىڭ جەلبىرەگەن اق بايراعىنىڭ اس­تىن­دا­ جينالىپ، كاۋسار بۇلاعىنان عا­نا­ ءىشۋدى ءناسىپ ەتسىن! ءاۋمين!

ماعزۇم جابيگەنوۆ

پىكىر جازۋ

پوچتاڭىز جاريالانبايدى

16 − ten =