MAQTIMQULI – TÜRKİ JURTINIÑ MAQTANIŞI

0 222

MAQTIMQULI

Burnağı küni L.Gwmïlev atındağı Ewrazïya ulttıq wnïversïtetinde «Maqtımqulı jäne dästürli türki poezïyası» taqırıbında konferencïya ötti. Türki akademïyası uyımdastırğan bul şara türkimenniñ ulı aqınınıñ 290 jıldığına arnalğan. Basqoswğa türki tildes elderdiñ elşileri, memleket jäne qoğam qayratkerleri, senat jäne mäjilis depwtattarı, sonday-aq, körnekti jazwşılar, ğalımdar qatıstı.

Konferencïyanı Qazaq­stannıñ Eñbek Eri Äbiş Kekilbaev quttıqtaw sözben aştı. Halıq jazwşısı bul jïın eki el arasındağı rwhanï-adamgerşilik negiz­derdi nığayta tüsetinin aytıp, Maqtımqulı şığar­ma­ların keñinen taratıp, jastardıñ boyına siñirw qajettigin basa ayttı. «Şığıs poezïyasınıñ jarıq juldızı Maqtım­qulı Pırağı tek türkimen halqınıñ ğana maqtanı emes, tügel türkiniñ tegewi­rindi aqını häm ortaq jaw­harı» degen Ä.Kekilbaev söziniñ soñında türkimen tilinen özi tärjimalağan Maq­tum­qulı­nıñ «Mızğımas el» deytin öleñin oqıp berdi.

Otırıs barısında Türki­men­stannıñ Qazaqstandağı tötenşe jäne ökiletti elşisi Maqtımqulı Aqmıradov, Qazaqstan Jazwşılar odağınıñ törağası, senat depwtatı Nurlan Orazalïn, «Egemen Qazaqstan» respwblïkalıq gazetiniñ prezïdenti Sawıtbek Abdrah­manov, Türki keñesi aqsaqaldar keñesiniñ törağası Ädil Ahmetov, Prezïdent baspasöz qızmeti jetekşisiniñ orınbasarı Bawırjan Omarov, türkitanwşı Şäkir Ibıraev, türkimenstandıq ğalım Annagwrban Aşïrov bayandama jasadı.

Osığan deyin «TÜRKSOY» halıq­aralıq uyı­mı tür­ki halıq­­ta­rınıñ ulı tul­­ğa­larına arnalğan «Maqtım­qulı»­ medalin äzir­legen eken. Jïında osı sıylıqtıñ alğaşqısı türki tildes halıqtardıñ ädebïetin älemge tanıtıp, qazaq-türkimen ıntımaqtastığına üles qosqanı üşin Äbiş Kekilbaevqa berildi.
Jïında arnawlı qarar qabıldanıp, Maqtımqulınıñ änderi şırqaldı.

Sänïya SPANDÏYAR

Pikir jazw

Poçtañız jarïyalanbaydı

5 × five =