مانتۋ سىناماسى – مىندەتتى ەكپە

0 1  291

روزا:
– قۇرمەتتى اكىم، بالاباقشاعا انىقتاما الۋ ءۇشىن ەمحاناعا بارعان ەدىك. ەكى اپتا بويى قارالىپ، اناليزدەردىڭ بارلىعىن تاپسىرىپ، قورىتىندىسىن الۋعا كەلگەنىمىزدە، دارىگەر: «مانتۋ ەكتىرمەگەنسىڭدەر» دەپ، قاعازعا قول قويمادى. ايتايىن دەگەنىم: بالام ءالى ءۇش جاستا، ال مانتۋ ەكپەسى بەس جاسقا دەيىن جاسالا بەرەدى. ەندەشە، ءبىزدى «مانتۋسىز انىقتاما بەرمەيمىز» دەپ نەگە تەككە سەندەلتەدى؟ 

جاۋاپ:

– روزا، پروفيلاكتيكالىق مەديتسينالىق تەكسەرۋ مەن لابوراتوريالىق زەرتتەۋ بالانى مەكتەپكە دەيىنگى مەكەمەگە تىركەۋگە ارنالعان مىندەتتى دايىندىق ساتىسى بولىپ تابىلادى. جوسپارلى مەديتسينالىق تەكسەرۋلەردىڭ بارلىعى شۇعىلدىقتى قاجەت ەتپەيدى، بەكىتىلگەن جەرىنە قاراي اۋماقتىق ەمحانالارعا الدىن الا تىركەلۋ بويىنشا جۇرگىزىلەدى.

قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2011 جىلعى 25 ساۋىردەگى «وكپە اۋرۋىمەن كۇرەسۋ جونىندەگى كەيبىر ماسەلەلەر تۋرالى» بۇيرىعىنا سايكەس مانتۋ سىناماسى 1 جاستان 14 جاسقا دەيىنگى بالالارعا جىل سايىن ەگىلۋگە ءتيىس. وسى تۇرعىدان دارىگەرلەردىكى دۇرىس. مۇنداي ارەكەت تۋبەركۋلەزدى ەرتەرەك انىقتاپ، ونى جۇقتىرعان بالالاردى تابۋعا، ولارعا ۋاقتىلى ەم-دوم قولدانۋعا باعىتتالعان.

پىكىر جازۋ

پوچتاڭىز جاريالانبايدى

seventeen − six =