Mänşükpen birge soğısqan

0 33

Biz Ulı Otan soğısınıñ ardageri Raïsa Maksïmenkonıñ nemeresi Ksyuşağa habarlasqanımızda, ol äjesiniñ jası ulğayğanına qaramastan, öz qatarlastarımen salıstırğanda belsendi ekenin ayttı. Qarïya aynalada bolıp jatqan özgeristerdiñ bärinen habardar bolıp, adamdarmen aralasıp, äñgimeleskendi jaqsı köredi eken. Öziniñ şıdamdılığı, qayrattılığınıñ arqasında osı künge jetip otır deydi twıstarı.Raïsa Samwïlovna Maksïmenko 1922 jılı dünïege kelgen. Osı Aqmolada ösip, oqığan, al soğıs bastalğanda Lyubercı äskerï wçïlïşesin bitirip, äskerï mansabın 9-gvardïyalıq äwe küşteri brïgadasınıñ quramında bastağan. Voronejden Berlïnge deyin sapta jürip otırıp, maydandağı ömirdiñ qïınşılıqtarı men taw­qımetin basınan ötkerip, qan maydanda qasındağı dos-qurbılarınan ayırılğan, qïındıqqa tolı ömirdi ötkergen Raïsa Samwïlovna adamdarğa degen senim, adamgerşilik pen janaşırlıqtı joğarı bağalaydı.
Soğıs bastalğanı twralı jaysız habar kelgende awıl mektebiniñ muğalimi Raïsa Samwïlovna öz erkimen maydanğa barwğa suranğan. Arqasındağı salmağı 16 kïlogramğa jwıqtaytın jabdıqpen 19 jastağı boyjetken köptegen äskerï operacïyalarğa qatısıp, qalanı Voronejden Kalïnïnge deyin azat etwge qatıstı, odan äri Wkraïnadağı Wman' qalasına deyin jetip, soğıstı ayaqtadı. Raïsa Samwïlovna Maksïmenko sol polk­te atı añızğa aynalğan Mänşük Mämetovamen birge soğısqan jäne orta mektepte oqïtın şöberesi Dmïtrïy äjesiniñ Ulı Otan soğısındağı eñbegin, jürip ötken joldarın dostarına maqtanışpen aytıp jüredi eken.
Biz habarlasqan kezde ardagerdiñ päterine jöndew jasalıp jatqan bolatın. Ardagerler 75 jıldıq merekeni qolaylı jağdayda qarsı alw üşin jasap jatqan qala äkimdiginiñ şaralarına dän rïza.

Pikir jazw

Poçtañız jarïyalanbaydı

12 − one =