مانشۇكپەن بىرگە سوعىسقان

0 33

ءبىز ۇلى وتان سوعىسىنىڭ ارداگەرى رايسا ماكسيمەنكونىڭ نەمەرەسى كسيۋشاعا حابارلاسقانىمىزدا، ول اجەسىنىڭ جاسى ۇلعايعانىنا قاراماستان، ءوز قاتارلاستارىمەن سالىستىرعاندا بەلسەندى ەكەنىن ايتتى. قاريا اينالادا بولىپ جاتقان وزگەرىستەردىڭ بارىنەن حاباردار بولىپ، ادامدارمەن ارالاسىپ، اڭگىمەلەسكەندى جاقسى كورەدى ەكەن. ءوزىنىڭ شىدامدىلىعى، قايراتتىلىعىنىڭ ارقاسىندا وسى كۇنگە جەتىپ وتىر دەيدى تۋىستارى.رايسا سامۋيلوۆنا ماكسيمەنكو 1922 جىلى دۇنيەگە كەلگەن. وسى اقمولادا ءوسىپ، وقىعان، ال سوعىس باستالعاندا ليۋبەرتسى اسكەري ۋچيليششەسىن ءبىتىرىپ، اسكەري مانسابىن 9-گۆارديالىق اۋە كۇشتەرى بريگاداسىنىڭ قۇرامىندا باستاعان. ۆورونەجدەن بەرلينگە دەيىن ساپتا ءجۇرىپ وتىرىپ، مايدانداعى ءومىردىڭ قيىنشىلىقتارى مەن تاۋ­قىمەتىن باسىنان وتكەرىپ، قان مايداندا قاسىنداعى دوس-قۇربىلارىنان ايىرىلعان، قيىندىققا تولى ءومىردى وتكەرگەن رايسا سامۋيلوۆنا ادامدارعا دەگەن سەنىم، ادامگەرشىلىك پەن جاناشىرلىقتى جوعارى باعالايدى.
سوعىس باستالعانى تۋرالى جايسىز حابار كەلگەندە اۋىل مەكتەبىنىڭ مۇعالىمى رايسا سامۋيلوۆنا ءوز ەركىمەن مايدانعا بارۋعا سۇرانعان. ارقاسىنداعى سالماعى 16 كيلوگرامعا جۋىقتايتىن جابدىقپەن 19 جاستاعى بويجەتكەن كوپتەگەن اسكەري وپەراتسيالارعا قاتىسىپ، قالانى ۆورونەجدەن كالينينگە دەيىن ازات ەتۋگە قاتىستى، ودان ءارى ۋكرايناداعى ۋمان قالاسىنا دەيىن جەتىپ، سوعىستى اياقتادى. رايسا سامۋيلوۆنا ماكسيمەنكو سول پولك­تە اتى اڭىزعا اينالعان مانشۇك مامەتوۆامەن بىرگە سوعىسقان جانە ورتا مەكتەپتە وقيتىن شوبەرەسى دميتري اجەسىنىڭ ۇلى وتان سوعىسىنداعى ەڭبەگىن، ءجۇرىپ وتكەن جولدارىن دوستارىنا ماقتانىشپەن ايتىپ جۇرەدى ەكەن.
ءبىز حابارلاسقان كەزدە ارداگەردىڭ پاتەرىنە جوندەۋ جاسالىپ جاتقان بولاتىن. ارداگەرلەر 75 جىلدىق مەرەكەنى قولايلى جاعدايدا قارسى الۋ ءۇشىن جاساپ جاتقان قالا اكىمدىگىنىڭ شارالارىنا ءدان ريزا.

پىكىر جازۋ

پوچتاڭىز جاريالانبايدى

seventeen + six =