Мәдениет мәйегі

Астана болған соң оның мәдениеті һәм менталитеті болады. Астанаға  еліміздің мәдениетін өрге сүйреп жүрген жақсыларымыз бен жай­саң­да­рымыз бұрын «мәдениеті кенжелеу» деп мұрын шүйіріп қарайтын. Ал бүгінде, жағдай мүлдем басқа. Олар Астанада тұруды армандайды. Тағдырын бұл қаламен байланыстырғысы келеді. Неге? Өйткені, елорда бар қазақтың мәдени орталығына айналды. 

Осыдан бес жыл бұрын қаланың 10 жылдығын атап өту кезінде көшелердегі ескерткіштер мен сәулет мүсіндері бір­ тү­ген­деліп қалып еді. Аймақтар Ас­­­та­­на­ға бір-бір көшеге сквер мен ес­керт­кіш орнатып тарту жасап еді. Енді биыл бас қаланың 15 жылдығын тойлағалы отырмыз.­ Осыған орай олар аталған ескерткіштердің жөн­деу­ге зәру болып отырғандарын қайта жасартып бермек.

Елбасы Астананы туристік қалаға айналдыру туралы тапсырма бе­рді. Осы ретте Астана әкімдігі «As­ta­na 3D» сайтын іске қосуды діттеп отыр. Аталмыш сайттан қаланың көрікті жер­ле­рін,­ мәдени ескерткіштер мен­ сәу­лет туындыларын көре алады. Қыс­қа­сы, аталмыш сайт арқылы елімізге келген меймандар 3D форматында ел­ор­да­ға­ саяхат жасайды. Тіпті, қа­ла­да­ғы концерттік залдар мен мейрамхана, мей­­ман­­ха­наларына дейін қамтылады.

Былтыр қалалық Мәдениет бас­қар­ма­сы бір­қа­тар ауқымды шаралар өт­кізді. Солардың біреріне тоқталсақ, «Қараөткел» мұсылмандар қорымы мен С.Сейфуллин атындағы мұражай қайта жөнделді. Дүниежүзілік мұражай күні­не­ орай, он-лайн режимінде халықаралық фо­­рум­ өтіп, «Ашаршылық құрбандарына ес­кер­т­кіш»­ монументі, Әзірет Сұлтан мешіті және Құр­ман­ға­зы ескерткіштерінің ашылу салтана­ты­ бол­ды. Бұдан бөлек басқармаға қарасты өнер ошақтары халықаралық байқауларға қа­ты­сып,­ топ­ жарса, театр репертуарлары жаңа қой­ы­лым­­дар­мен толықты. «Жас қанат», «Шабыт» сын­ды дәс­түр­лі­ до­да­лар­дан бөлек, қалада жа­ңа­ «Ac­cor­di di Astana» байқауы пайда болды. Ол – Ресейдің халық артисі Денис Мацуевтің төл туындысы. Сондай-ақ­ был­тыр­ қа­ла­да­ғы мұражайларда 1924 көрме өтіп, оны 51 512 адам та­ма­ша­ла­ған­ екен. Астана қаласының Мем­ле­кет­тік филармониясының өнер ұжымдары тоғыз айдың ішінде 353 мерекелік шара өткізіп, оған 610 109 көрермен қатысты. Ал Бейбітшілік және келісім сарайында өткен 3848 экс­курсияға 48 810 адамның табаны ти­ген екен. Шаһарда жыл сайын өтетін экшн-фильм, «Шабыт», «Жас қанат», Нұрғиса Тілендиев атындағы , «Азия жаңғырығы» сынды халықаралық фес­ти­валь­дар өз жалғасын табады.

Биыл басқарма оннан астам айтулы ша­ралар өткізуді жоспарлап отыр. Ел­ор­да­лық­тар­ осы жылы қалада са­лы­нып­­ жатқан Классикалық опера және балет театры мен Қазақстан тарихы мұ­ра­жайы­­ның ашылу салтанатына куә болады. Моңғолия астанасы Ұлан-Баторда Ас­­та­­на­ның­ мә­де­ни күндері өтеді. «Ас­та­на­ са­малы» үрмелі аспаптар ор­кес­тр­ле­рі­нің халықаралық конкурсы да­ әлемнің түкпір-түкпірінен өнер ұж­ым­да­рын­ елордаға шақырмақ.

Ең бастысы, биыл қазақ­тың бірнеше бір­туа­ры­ның мерейтойын­ атап­ өткелі отырмыз.­ Төлеби Әлім­ұлы­ның – 350, Абылай ханның – 300, Мұқан Тө­ле­баев­тың­ 100 жылдық ме­рей­тойы­­­ той­лан­бақшы. Сонымен бірге аста­на­лық театрға аты берілген атақ­ты Қалибек Қуа­нышбаев пен «адам­заттың Айтматовы» атанған Шың­ғыс Айтматовтың туғанына 85 жыл­ толуына орай мерейлі мерекелік кештер өтеді деп жоспарланып отыр.

Айнұр САНАБЕК