مادەني ورىندار ەسىگى اشىق

0 27

قالانىڭ مادەني نىساندارى جۇمىسىن قايتا جانداندىردى. ەندى اپتا ىشىندە دۇيسەنبىدەن باسقا كۇندەرى ساعات 10.00-دەن 18.00-گە دەيىن ەلوردا تۇرعىندارى مەن قوناقتارى ساكەن سەيفۋللين اتىنداعى مۇراجايدى، تاۋەلسىزدىك سارايى مەن ماڭگىلىك ەل قاقپاسى گالەرەياسىنا بارا الادى.

سونىمەن قاتار 9.00 مەن 21.00 ارالىعىندا «استانا-بايتەرەك» مونۋمەنتىنە، 10.00-دەن 19.00-گە دەيىن ەلىمىزدىڭ كورنەكى ورىندارىنىڭ شاعىن كوشىرمەلەرى ورنالاستىرىلعان «اتامەكەن» قازاقستان كارتاسى» ەتنومەموريال­دىق كەشەنىنە باس سۇعا الاسىز.
كىتاپحانالارعا كەلسەك، ولاردىڭ ەسىگى جۇمىس كۇندەرى تاڭەرتەڭ 9.00-دەن كەشكى 18.00-گە دەيىن اشىق تۇرادى. سونداي-اق قالا تەاترلارى، فيلورمونيالارى جانە استانالىق تسيركتە جەكە مەن توپتىق رەپەتيتسيالاردى جاڭارتۋعا رۇقسات ەتىلدى. بۇل رەتتە قاتىسۋشىلار سانى 30 ادامنان ارتپاۋى كەرەك.
بۇعان قوسا قر تۇڭعىش پرەزيدەنتىنىڭ كىتاپحاناسى مۋزەيى دە اشىلدى. ونى ارالاۋ ءۇشىن الدىن الا جازىلۋ كەرەك. «استانا وپەرا» تەاترى دا جاڭا ماۋسىمىن باستايدى، بىراق ونلاين فورماتتا. ارتىستەر كورەرمەنسىز بوس زالدا ونەر كورسەتەدى. 18 قىركۇيەكتە شىعارماشىلىق ۇجىم «وپەرالىق كلاسسيكا پاراقتارى بويىنشا» اتتى گالا وپەرانىڭ كەرەمەت باعدارلاماسىن تىكەلەي ەفيردە ۇسىنباق.
بارلىق مادەني وشاقتاردا ماس­كا تاعۋ رەجيمى ساقتالادى. سونداي-اق الەۋمەتتىك اراقاشىقتىق پەن باسقا دا سانيتارلىق تالاپتارعا باعىنۋ مىندەتتى.
كارانتين كەزىندە كىتاپحانا، تەاتر، مۋزەي جانە باسقا مادەني نىسانداردىڭ الەۋمەتتىك جەلىلەردەگى پاراقشالارىندا كونتسەرتتەر، سپەكتاكلدەر، جازۋشىلارمەن كەزدەسۋلەر، بي بويىنشا شەبەر-كلاستار، كورنەكى ورىندارعا ەكسكۋرسيالار ونلاين تۇردە كورسەتىلدى.

پىكىر جازۋ

پوچتاڭىز جاريالانبايدى

seventeen + fifteen =