كۋۆەيتتەگi كەلەڭسiزدiككە كiنالi كiم؟

0 86

تالعات ەرمەگياەۆ،
قر سپورت جانە دەنە شىنىقتىرۋ اگەنتتiگiنiڭ توراعاسى:

– كۇنi كەشە كۋۆەيتتە وتكەن مەرگەندەر سايىسىندا كەلەڭسiز جاعدايدىڭ ورىن العانى راس. جەڭiمپاز اتانعان قىزىمىز ماريا دميتريەنكو تۇعىرعا كوتەرiلگەن ساتتە قازاقستاننىڭ ءانۇرانىنىڭ ورنىنا بريتاندىق ساشا باروننىڭ «بورات» فيلمiندەگi سايقىمازاق اۋەن قوسىلىپ كەتتi.
مەن كۋۆەيتكە بارعان بiزدiڭ دەلەگاتسيا وكiلدەرiن كiنالاي المايمىن. نەگiزi, سپورت ويىندارى وتكەن كەزدە، ۇيىمداستىرۋ كوميتەتi ءاربiر ەلگە سۇراۋ سالىپ، مەملەكەتتiك رامiزدەردiڭ سايكەستiگiن تەكسەرەدi. ەگەر بۇعان دەيiن ولار وسى سۇراۋدى جiبەرiپ، بiزدە ولارعا جاۋاپ بەرiپ، ءانۇراندى ناقتىلاعان لاۋازىمدى تۇلعالار بولسا، ولار مiندەتتi تۇردە جاۋاپ بەرەتiن بولادى. كەيدە ۇيىمداستىرۋ كوميتەتi وزدiگiنەن دە iس-شاراعا قاتىسۋشى ەلدەردiڭ مەملەكەتتiك رامiزدەرiن تاۋىپ، شىرقاتۋى مۇمكiن. مiنە، بۇل جولعى كەلەڭسiزدiكتiڭ ۇيىمداستىرۋ كوميتەتiنiڭ وسىنداي قاتەلiگiنەن ورىن الىپ وتىر. ولار وزدiگiنەن iزدەنiپ، بiزدiڭ ءانۇرانىمىزدى ينتەرنەتتەن جۇكتەپ العاندارىن ايتىپ اقتالۋدا.
پاريجدە وتكەن الەم چەمپيوناتىنىڭ ماراپاتتاۋ ءراسiمi بارىسىندا قازاقستاننىڭ ەسكi ءانۇرانىنىڭ ورىندالۋى وقيعاسىنان كەيiن بارلىعىنا دا مۇنداي وقيعالارعا جiتi قاراۋ كەرەكتiگi ەسكەرتiلگەن بولاتىن. وسى كەلەڭسiزدiكتiڭ تاعى دا قايتالانۋى ارينە، وكiنiشتi-اق.
لوندون وليپياداسى قارساڭىندا بiز وسى وقيعانىڭ قايتا ورىن الۋىنا جول بەرمەۋiمiز كەرەك. مەن 18 ءساۋiر كۇنi لوندونعا ۇشىپ بارامىن. سول جەردە بiز قازاقستاندىق سپورتشىلار قاتىساتىن بارلىق جارىستار بويىنشا مەملەكەتتiك رامiزدەردiڭ سايكەستiگiن تەكسەرۋگە تىرىسامىز. بiراق، شىنى كەرەك، لوندون وليمپياداسىنىڭ ۇيىمداستىرۋشى كوميتەتiنiڭ جۇمىسىنا ەمiن-ەركiن ارالاسا المايسىڭ. بiزگە دە مەملەكەتتiك رامiزدەردi تەكسەرۋگە وڭايلىقپەن مۇمكiندiك بەرەدi دەپ ايتا المايمىن. دەگەنمەن، كۋۆەيتتە بولعان وقيعا لوندون وليمپياداسىندا قايتالانباۋى تيiس.

قالدىبەك قۇرمانالI,
كومپوزيتور:

– بۇل بiرiنشi رەت قايتالانىپ وتىرعان جاعداي ەمەس قوي. قايبiر جىلى شەتەلدە وتكەن الەم چەمپيوناتتارىنىڭ بiرiندە بiزدiڭ كەڭەس وداعى كەزiندەگi ەسكi ءانۇرانىمىز ورىندالىپ بiر ماسقارا بولعانبىز. تاياۋدا عانا قوستانايدا وتكەن جارىستا شەتەلدiك اۋەن قوسىلىپ كەتiپ تاعى جەرگە قارادىق. مۇنىڭ ءبارi سايىپ كەلگەندە جاۋاپكەرشiلiكتiڭ جوقتىعىنان. تاڭ قالام، قانشاما ەلدiڭ اراسىنان نەگە قازاقتىڭ ءانۇرانىن عانا شاتاستىرىپ الادى ەكەن؟ جەرگiلiكتi ۇيىمداستىرۋ كوميتەتiن بىلاي قويعاندا، ءوز ازاماتتارىمىزدىڭ اراسىندا دا نيەتi ءتۇزۋ ەمەستەرi بار ما دەپ كۇدiكتەنەم.
ءانۇران مەملەكەتتiڭ قاسيەتتi دۇنيەلەردiڭ بiرi عوي. سوندىقتان، بۇل ماسەلەنi اۋىزشا ايتىپ، گازەتتەرگە جازىپ قانا جىلى جاۋىپ قويا سالۋعا بولمايدى. ەكiنشi رەت مۇنداي كەلەڭسiزدiك ورىن المايتىنداي شارا قولدانۋ كەرەك. بۇل وقيعاعا سپورت جانە دەنە شىنىقتىرۋ اگەنتتiگiنiڭ توراعاسى ەرمەگياەۆ مىرزا دا، ونىڭ اينالاسىندا جۇرگەندەر دە، ەڭ ارىسى تۇعىرعا كوتەرiلiپ، بوراتتىڭ مازاق ءانiن قولىن كەۋدەسiنە قويىپ، ۇيىپ تىڭداعان مەرگەن قىز ماريا دا كiنالi. مۇنى ءوز باسىم ۇلتىمىزدى سىيلاماعاندىق، ەگەمەندiگiمiزدi مويىنداماعاندىق دەپ قابىلدايمىن. «كiنا بiزدەن ەمەس، كiنالi كۋۆەيتتiكتەر كەشiرiم سۇرادى» دەپ، بiزدiكiلەر جابۋلى قازاندى جابۋلى كۇيiندە قالدىرا ما دەگەن قاۋپiم بار. كەشiرiم سۇراعانىنا نەگە ءماز بولامىز؟ تۇپتەپ كەلگەندە، ولار بiزدiڭ مەملەكەتiمiزدi, ۇلتىمىزدى مويىنداماي تۇرعان جوق پا؟
الدا لوندون وليمپياداسى كەلە جاتىر. وعان دەيiن كiنالi ادامدى تاۋىپ، حالىق الدىندا جازالاۋ كەرەك. ءانۇران حالىقارالىق ارەنادا ەكi-اق جاعدايدا شىرقالاتىنىن بiلەمiز. بiرi – مەملەكەت باسشىسىنىڭ شەتەلگە ساپارى بارىسىندا، ەكiنشiسi – سپورتشىلارىمىز جەڭiس تۇعىرىنان كورiنگەن ساتتە. سوندىقتان، سپورتشىلارىمىزدىڭ ءجۇز پايىزى ءانۇراننىڭ ءماتiنiن بiلۋi شارت. جاتتاۋدى «قيىنسىنعاندارى» العاشقى ون ەكi جولىن-اق بiلسiنشi, ەڭ قۇرىعاندى. كەشەگi سايىستا چەمپيون قىزىمىزدىڭ قىلىعى راسىندا ۇيات بولدى. ەگەر مەن سونىڭ ورنىندا نەمەسە قازاقستاندىق دەلەگاتسياسىنىڭ اراسىندا بولسام، سول ساتتە قارسىلىق تانىتار ەدiم. سول ساتتە كiنالارىن مويىنداتىپ، قازاقتىڭ ءوز ءانۇرانىن قايتا قويىپ بەرۋiن تالاپ ەتەر ەم.

پىكىر جازۋ

پوچتاڭىز جاريالانبايدى

one × three =