КҮРМЕУІ КӨП МӘСЕЛЕ

0 86

Қалалық мәслихаттың Заңдылық, құқық тәртібі және жұрт­шы­лық­пен жұмыс мәселелері жөніндегі тұрақты комиссиясының депу­таттары Астана қаласы Қорғаныс істері бойынша Департа­мен­тінің жұмыс барысымен танысты.   

Шара барысында жастардың әске­ри­-пат­­риоттық тәрбиесі, олардың ден­­сау­­лығы, әскер қатарына шақырғанға де­йінгі дайындық барысы, әскери комиссия­ жұмысын ұйымдастырудағы түйінді мәсе­­ле­лер сөз болды. Комиссия мүшелері де­­пар­­­та­менттің шақыру пунктінде болып тір­­кеуге алғаш рет алынып жатқан жас жет­­кін­­шек­­тер­­мен сөйлесті. Сонымен қатар, әскер қа­­та­­­рына шақыру жұмыстарына дайындық ба­­ры­­сымен танысты.

Департамент бастығы полковник Мұха­мед­­жан Таласовтың айтуынша, жылына 20­ мың­нан астам жастар медициналық ко­­ми­­с­­сиядан өтеді екен. Осы іске арнайы бө­­лін­­ген медициналық комиссиялардың әс­­кери-дәрігерлік жайлары заман талабына сай­ келмейді. Екі ауысыммен жұмыс істейтін ме­­дицина қызметкерлері үшін қолайлы жағ­­дай жасалмаған. Оның басты себебі ғи­­ма­­раттың тарлығы, арнаулы бөлмелердің тап­­­­шылығы екен.

«Әскери қызмет және әскери қызмет­­ші­лер­дің мәртебесі туралы» қолданыстағы заң­­ға сәйкес, әскерге шақырылушы жас­тар үшін жауапкершілік тек қана әскери қыз­мет­шілердің мойнында ғана емес, сонымен қа­тар оған жергілікті денсаулық сақтау ме­ке­ме­лері мен жергілікті атқарушы органдар да­ жауапты екені белгілі.

Бұл ретте алғашқы әскери дайындық са­бақ­тарын жүргізетін мектептер мен колледж, лицейлерде оқытушылар жетіспейді. Бұл міндетті атқарушылардың кейбірінің білігі талапқа сай емес. Жалақының төмендігінен кәсіби мамандар бұл міндетті атқаруға құ­лық­ты емес. Қаржының тапшылығынан оқу­ өтетін орындар техникалық жағынан жаб­­дықталмаған. Мұндай жағдайда әскери пат­­риоттық клубтар мен әскери-қолданбалы спорт үйірмелерін ашу туралы айту да қиын.

Айтылған мәселелерді шешіп, жастар ара­сын­дағы жұмысты белсенді жүргізу үшін мәс­­лихат депутаттары тарапынан қолдау қажеттігін айтты. «Еліміздің патриотын, толыққанды азаматын тәрбиелеуде бірегей көзқарас қалыптастырып, осы іске барлық күшімізді жұмылдыру керек» деді департамент бастығы.

Заңдылық, құқық тәртібі және жұрт­шы­лықпен жұмыс мәселелері жөніндегі тұ­­рақты комиссиясының төрағасы Нико­­лай Мещеряков өз ойымен бөлісті. «Әскер қа­­та­­­рына шақырылатын жастармен жұмысты ұйым­­­дастырудағы кедергілерге қанықтық. Бұл­ мәселелерді комиссия отыры­­сында тал­­­дап,­ тиісті шара қолданамыз. Әри­не,­ ең­ бас­­­­­тысы, ғимарат мәселесі екен. Оның­ да­ шешу жолдарын қарастыруымыз ке­­рек.­ Жет­кіншектермен сөйлескенімізде, олар­дың Отан алдындағы парызын атқаруға құл­шынысты екені қуантты» деді ол.

Жастардың жоғары патриоттық санасын қалыптастырып, олардың мемлекетіміздің ұлттық мүдделерін қорғаудағы азаматтық міндеттерін орындауға дайындауда департамент жұмысын лайықты бағалауға болады. Осы бағыттағы істі жандандыру үшін материалдық техникалық база нығайып, орын алған мәселелер шешіліп жатса, нұр үстіне нұр болар еді.

А.Уайсова

Пікір жазу

Почтаңыз жарияланбайды

nineteen − sixteen =