كۇيزەلىسكە ۇشىراعاندارعا كومەك

0 113

استاناداعى مەديتسينالىق پسيحولوگيالىق دەنساۋلىق ورتالىعىنىڭ كۇي­زەلىس بولىمىنە كۇنىنە كەم دەگەندە 15-كە جۋىق ادام حابارلاسادى. حابارلاسقانداردىڭ  جاس ەرەكشەلىكتەرى دە، كۇيزەلىسكە تۇسىرگەن ماسەلەلەرى دە ءارتۇرلى.

ورتالىققا كەلۋشىلەردىڭ  سەكسەن پايىزى — نازىك جاندىلار. ولاردىڭ اراسىندا مەملەكەتتىك قىزمەتكەرلەر دە، الەۋمەتتىك جاعدايى تومەندەر دە، جۇمىسسىزدار دا بار.  اتالمىش مەكەمەدە جەدەل پسيحولوگيالىق قىزمەت كورسەتۋ ورتالىعى دا جۇمىس ىستەيدى. ماماندار كومەك سۇراعانداردىڭ ارقايسىسىمەن جەكە تىلدەسىپ، ەرتەڭگى كۇننىڭ جارقىن بولاتىنىن ايتىپ، ءومىردىڭ ۋاقىتشا سىناعىنا مويىماۋعا كومەكتەسەدى.  ناتيجەسى دە  جامان ەمەس.  تىعىرىققا تىرەلگەن ۋاقىتتا ءوزىن-ءوزى  قۇردىمعا تاستاپ جىبەرەتىن ادامداردى قايتا كوپشىلىك ورتاعا بەيىمدەۋ ءۇشىن جارتى جىل ۋاقىت كەتەدى ەكەن. ال، تۇزەتىلمەس قاتەلىككە بارماس ءۇشىن ءبىرىنشى كەزەكتە ءوزىڭدى-ءوزىڭ  جەڭەر رۋحاني بەرىكتىكتىڭ بولعانى دۇرىس دەيدى زەرتتەۋشىلەر.

 گۇلميرا ايماعانبەت

پىكىر جازۋ

پوچتاڭىز جاريالانبايدى

twenty − fourteen =