كۇيشىلەر باق سىنايدى

0 36

كۇيشى تالاسبەك اسەمقۇلوۆتىڭ شىعارماشىلىعىن ناسيحاتتاۋ ماقساتىندا كۇيشىنىڭ جارى زيرا ناۋرىزباەۆا جانە «كۇيشىلەر وداعى» رەسپۋبليكالىق قوعامدىق بىرلەستىگى كۇيشىلەر بايقاۋىن ۇيىمداس­تىرادى.بايقاۋعا قاتىسام دەۋشىلەردىڭ جاسىنا شەكتەۋ قويىلمايدى. قاتىسۋشىلاردىڭ تالاسبەك اسەمقۇلوۆ­تىڭ رەپەرتۋارىنان كۇي شەرتۋى (ت.اسەمقۇلوۆتىڭ نۇسقاسىمەن), ءداستۇرلى ورىنداۋعا (وڭ قول مەن سول قول) مەيلىنشە جاقىنداۋى تالاپ ەتىلەدى.
بايقاۋ ونلاين فورماتتا وتەدى. ءبىر كەزەڭنەن تۇراتىن كۇيشىلەر جارىسىندا ءار قاتىسۋشى 3 كۇي ورىنداۋى كەرەك. كۇيلەردىڭ اۋديو­جازبالارىن «ءتالتۇس» جيناعىنان نەمەسە Telegram كانالداعى «ءتالتۇس» كانالىنان (taltus2021) الۋعا بولادى. سونداي-اق كۇيلەردى otuken.kz سايتىنان، YouTube-تاعى «otukenkz»، «اسەم ءان، ءتاتتى كۇي» ارنالارىنان تىنداۋعا بولادى.
20 قىركۇيەككە دەيىن ۇمىتكەرلەر وزدەرىنىڭ Instagram نە Facebook پاراقشالارىنا #TalasbekAsemkulov2021 حەشتەگىمەن ورىنداعان كۇيىن ۆيدەوعا ءتۇسىرىپ سالۋى ءتيىس.

پىكىر جازۋ

پوچتاڭىز جاريالانبايدى

nineteen + fifteen =