Köregen şeşim boldı

Jänibek KÄRİBJANOV, memleket jäne qoğam qayratkeri

1 132

– Bıltır 19 nawrız­da elimiz üşin tarïhï oqïğa boldı. Qazaqstannıñ Tuñğış Prezïdenti – Elbası Nursultan Nazarbaev öz şeşimimen bïlikti Prezïdentimiz Qasım-Jomart Toqaevqa tapsırdı. Bul waqıtında jüzege asqan durıs şeşim boldı. Munday qadam el basqarğan är azamattıñ qolınan kele bermeydi. Meniñşe, bul Elbasınıñ köregendigi dep bilemin. Qazir osı mañızdı şeşimniñ durıs bolğandığın ömir däleldep otır. Elbasınıñ egemen elimizdiñ irgetasın qalap, damwına qosqan ülesi zor. Azattıq alğannan keyingi qïın-qıstaw jıldarı reformalardı der kezinde jüzege asırıp, qïındıqtan alıp şıqtı. Qazaq elin örkenïetti memleketterdiñ qatarına jetkizip, dünïe jüzine tanıttı. Odan keyin Alatawdıñ etegindegi äsem qaladan elimizdiñ bas ordasın Arqağa köşirip, astananı älemdegi körkem şaharlardıñ birine aynaldırdı. Sonımen birge elimizde turatın ulttar arasındağı tatwlıqtı saqtap, turğındardıñ qolaylı ömir sürw deñgeyin joğarlattı. Osı jetistiktiñ bäri Elbasınıñ jemisti sayasatımen baylanıstı.
Memleket basşısı Qasım-Jomart Kemelulın halqımız jaqsı biledi. Bıltırğı Prezïdenttik saylawında oğan zor senim artıp, dawısın berdi. Jalpı, men bul kisimen qızmettes bolğandıqtan, jaqın tanïmın. Bilimdi, bilikti azamat. El arasında da sıylı. Ükimet basşısı boldı, biraz jıldar Sırtqı ister mïnïstrligin basqardı, Parlament Senatınıñ törağası qızmetin atqardı. Jan-jaqtı, sarabdal, memleketşil tulğa. Halıqaralıq deñgeyde de bedeli joğarı. Birikken Ulttar Uyımında eñbek etti.
El bïligin alıp,qalıptasqan sayasattı äri qaray jüzege asırw oñay emes. Qasım-Jomart Kemelulı qïın da kürdeli, jawapkerşiligi ülken jumıstı birden ïgerip äketti. Osı bir jıl işinde biraz awqımdı, elge qajetti jobalar iske astı. Älewmettik-ekonomïkalıq jağdayımız äri qaray jaqsara tüsti. Ötken jılı jazda eldi eleñdetken «Arıs» jağdayınan aman öttik. Bügingi barlıq älemdi alañdatqan koronavïrwstan da aman-esen ötemiz dep oylaymın. Memleket basşısınıñ osı mäselege baylanıstı qazirgi qabıldap otırğan şeşimi öte durıs ekeni sözsiz. El bolıp, olardı buljıtpay orındawımız qajet. Onıñ nätïjesi jaqsı bolarına kämil senemin!

  1. Temirhan Omarulı :

    Jäke!
    Eki sözben on eki tereñ oylardıñ tüyini keltirilgen mına maqalañdı seniñ de köregendiligiñ dep bilemin.

Pikir jazw

Poçtañız jarïyalanbaydı

ten − 7 =