كورەگەن شەشىم بولدى

جانىبەك كارىبجانوۆ، مەملەكەت جانە قوعام قايراتكەرى

1 132

– بىلتىر 19 ناۋرىز­دا ەلىمىز ءۇشىن تاريحي وقيعا بولدى. قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ ءوز شەشىمىمەن بيلىكتى پرەزيدەنتىمىز قاسىم-جومارت توقاەۆقا تاپسىردى. بۇل ۋاقىتىندا جۇزەگە اسقان دۇرىس شەشىم بولدى. مۇنداي قادام ەل باسقارعان ءار ازاماتتىڭ قولىنان كەلە بەرمەيدى. مەنىڭشە، بۇل ەلباسىنىڭ كورەگەندىگى دەپ بىلەمىن. قازىر وسى ماڭىزدى شەشىمنىڭ دۇرىس بولعاندىعىن ءومىر دالەلدەپ وتىر. ەلباسىنىڭ ەگەمەن ەلىمىزدىڭ ىرگەتاسىن قالاپ، دامۋىنا قوسقان ۇلەسى زور. ازاتتىق العاننان كەيىنگى قيىن-قىستاۋ جىلدارى رەفورمالاردى دەر كەزىندە جۇزەگە اسىرىپ، قيىندىقتان الىپ شىقتى. قازاق ەلىن وركەنيەتتى مەملەكەتتەردىڭ قاتارىنا جەتكىزىپ، دۇنيە جۇزىنە تانىتتى. ودان كەيىن الاتاۋدىڭ ەتەگىندەگى اسەم قالادان ەلىمىزدىڭ باس ورداسىن ارقاعا كوشىرىپ، استانانى الەمدەگى كوركەم شاھارلاردىڭ بىرىنە اينالدىردى. سونىمەن بىرگە ەلىمىزدە تۇراتىن ۇلتتار اراسىنداعى تاتۋلىقتى ساقتاپ، تۇرعىنداردىڭ قولايلى ءومىر ءسۇرۋ دەڭگەيىن جوعارلاتتى. وسى جەتىستىكتىڭ ءبارى ەلباسىنىڭ جەمىستى ساياساتىمەن بايلانىستى.
مەملەكەت باسشىسى قاسىم-جومارت كەمەلۇلىن حالقىمىز جاقسى بىلەدى. بىلتىرعى پرەزيدەنتتىك سايلاۋىندا وعان زور سەنىم ارتىپ، داۋىسىن بەردى. جالپى، مەن بۇل كىسىمەن قىزمەتتەس بولعاندىقتان، جاقىن تانيمىن. ءبىلىمدى، بىلىكتى ازامات. ەل اراسىندا دا سىيلى. ۇكىمەت باسشىسى بولدى، ءبىراز جىلدار سىرتقى ىستەر مينيسترلىگىن باسقاردى، پارلامەنت سەناتىنىڭ توراعاسى قىزمەتىن اتقاردى. جان-جاقتى، سارابدال، مەملەكەتشىل تۇلعا. حالىقارالىق دەڭگەيدە دە بەدەلى جوعارى. بىرىككەن ۇلتتار ۇيىمىندا ەڭبەك ەتتى.
ەل بيلىگىن الىپ،قالىپتاسقان ساياساتتى ءارى قاراي جۇزەگە اسىرۋ وڭاي ەمەس. قاسىم-جومارت كەمەلۇلى قيىن دا كۇردەلى، جاۋاپكەرشىلىگى ۇلكەن جۇمىستى بىردەن يگەرىپ اكەتتى. وسى ءبىر جىل ىشىندە ءبىراز اۋقىمدى، ەلگە قاجەتتى جوبالار ىسكە استى. الەۋمەتتىك-ەكونوميكالىق جاعدايىمىز ءارى قاراي جاقسارا ءتۇستى. وتكەن جىلى جازدا ەلدى ەلەڭدەتكەن «ارىس» جاعدايىنان امان وتتىك. بۇگىنگى بارلىق الەمدى الاڭداتقان كوروناۆيرۋستان دا امان-ەسەن وتەمىز دەپ ويلايمىن. مەملەكەت باسشىسىنىڭ وسى ماسەلەگە بايلانىستى قازىرگى قابىلداپ وتىرعان شەشىمى وتە دۇرىس ەكەنى ءسوزسىز. ەل بولىپ، ولاردى بۇلجىتپاي ورىنداۋىمىز قاجەت. ونىڭ ناتيجەسى جاقسى بولارىنا كامىل سەنەمىن!

  1. تەمىرحان ومارۇلى :

    جاكە!
    ەكى سوزبەن ون ەكى تەرەڭ ويلاردىڭ ءتۇيىنى كەلتىرىلگەن مىنا ماقالاڭدى سەنىڭ دە كورەگەندىلىگىڭ دەپ بىلەمىن.

پىكىر جازۋ

پوچتاڭىز جاريالانبايدى

5 × four =