«Астана ақшамы»
Ел жүрегі – елорда шежіресі

Көпбалалы отбасынан шыққан талапкер үшін – 5 мың грант

2 487

2019-2020 оқу жылында көпбалалы және тұрмысы төмен отбасылардан шыққан талапкерлер үшін 5 мың оқу гранты бөлінеді. Оған қол жеткізу үшін талапкер ҰБТ бойынша шектік балдан жоғары көрсеткіш көрсетуі керек. Бұл туралы Білім және ғылым министрі Асхат Аймағамбетов мәлімдеді.

– Гранттар ҰБТ қорытындысы бойынша конкурстық негізде тағайын­далады. Талапкер егер ұлттық мәртебеге ие жоғары оқу орнына түскісі келсе – 65 балдан, педагогикалық ғылымдар бағытына сәйкес мамандық таңдаса – 60 балдан, басқа жоғары оқу орындары үшін 50 балдан кем жинамауы керек, – деді ол.
Министрдің айтуынша, әуелі жалпы конкурс бо­йынша бекітілген оқу грант­тарының нәтижесі шығады. Биыл 53700-дей грант беріледі. Шамамен 1 тамызға қарай сол грант иегерлерінің есімі белгілі болады. Үміткер бұл тізімнен өзін таппаса, бірақ жоғарыда аталған санатқа кірсе (көпбалалы немесе тұрмысы төмен отбасыдан шықса), қосымша грант үшін өз өтінішін бере алады. Өтініштер 5-10 тамыз аралығында қабылданады. Оның нәтижесі 25 тамызға дейін жарияланады.

  1. Дана :

    отініш қайда тапсыруға болады

  2. Жанәділ :

    Өтінішті қайда және қалай тапсыру керек?

Пікір жазу

Почтаңыз жарияланбайды