Köpbalalı analarğa arnalğan trenïng

0 21

Jaña käsip ïesi atanıp, onı qalay damıtwğa boladı? Bïznes jospardı jasaw joldarı qanday? Osı jäne özge suraqtarğa qatıstı motïvacïyalıq trenïngti Jas käsipkerler keñesiniñ törağası, «Käsipker ana» jobasınıñ avtorı Aynur Ämirhan jürgizdi.Qazirgi tañda elimizde käsipkerlikpen aynalıswğa, bilim alwğa köptegen mümkindikter jasalğan. «Trenïngte biz äyelderge tabïğï qabiletterdi käsibï deñgeyge qalay köterw qajettigin aytamız. Ökinişke qaray, bizdiñ ortalıqqa keletin äyelder özderiniñ mıqtı jaqtarımen böliskisi kelmeydi, al keybiri tipti öziniñ qabiletteri jaylı oylanbağan. Tabıstı adamdar bïznesti öziniñ talantı men qabiletteri arqılı jasaydı. Olar boyındağı käsibï qabiletti qalay tanıp, damıtwğa bolatındığın biledi. Olar özderine layıqtı rölderdi tawıp, özderiniñ darının ömirde qalay qoldanw kerektigin oylastıradı» deydi Aynur Ämirhan. «Käsipker ana» bilim berw jobasınıñ maqsatı – qarjılıq qïın jağdaydağı äyelderge qoldaw körsetw. Olardıñ qatarına köpbalalı analar, jalğızbastı analar, mügedek balalardı tärbïelep otırğan jäne qïın älewmettik jağdayda turatın analar jatadı. «Käsipker ana» jobasında oqıtw birneşe kezeñnen turadı. Birinşi kezeñ qabiletter men älewetti anıqtaw üşin kowçïng sessïyaların qamtïdı. Ekinşi kezeñde uzaq merzimdi oqıtw mamandıq boyınşa praktïkalıq ïntensïv türinde ötkiziledi. Üşinşi kezeñ jeke bïznesti bastawğa kömek körsetiledi.

Pikir jazw

Poçtañız jarïyalanbaydı

2 + six =