كوپبالالى انالارعا ارنالعان ترەنينگ

0 21

جاڭا كاسىپ يەسى اتانىپ، ونى قالاي دامىتۋعا بولادى؟ بيزنەس جوسپاردى جاساۋ جولدارى قانداي؟ وسى جانە وزگە سۇراقتارعا قاتىستى موتيۆاتسيالىق ترەنينگتى جاس كاسىپكەرلەر كەڭەسىنىڭ توراعاسى، «كاسىپكەر انا» جوباسىنىڭ اۆتورى اينۇر ءامىرحان جۇرگىزدى.قازىرگى تاڭدا ەلىمىزدە كاسىپكەرلىكپەن اينالىسۋعا، ءبىلىم الۋعا كوپتەگەن مۇمكىندىكتەر جاسالعان. «ترەنينگتە ءبىز ايەلدەرگە تابيعي قابىلەتتەردى كاسىبي دەڭگەيگە قالاي كوتەرۋ قاجەتتىگىن ايتامىز. وكىنىشكە قاراي، ءبىزدىڭ ورتالىققا كەلەتىن ايەلدەر وزدەرىنىڭ مىقتى جاقتارىمەن بولىسكىسى كەلمەيدى، ال كەيبىرى ءتىپتى ءوزىنىڭ قابىلەتتەرى جايلى ويلانباعان. تابىستى ادامدار بيزنەستى ءوزىنىڭ تالانتى مەن قابىلەتتەرى ارقىلى جاسايدى. ولار بويىنداعى كاسىبي قابىلەتتى قالاي تانىپ، دامىتۋعا بولاتىندىعىن بىلەدى. ولار وزدەرىنە لايىقتى رولدەردى تاۋىپ، وزدەرىنىڭ دارىنىن ومىردە قالاي قولدانۋ كەرەكتىگىن ويلاستىرادى» دەيدى اينۇر ءامىرحان. «كاسىپكەر انا» ءبىلىم بەرۋ جوباسىنىڭ ماقساتى – قارجىلىق قيىن جاعدايداعى ايەلدەرگە قولداۋ كورسەتۋ. ولاردىڭ قاتارىنا كوپبالالى انالار، جالعىزباستى انالار، مۇگەدەك بالالاردى تاربيەلەپ وتىرعان جانە قيىن الەۋمەتتىك جاعدايدا تۇراتىن انالار جاتادى. «كاسىپكەر انا» جوباسىندا وقىتۋ بىرنەشە كەزەڭنەن تۇرادى. ءبىرىنشى كەزەڭ قابىلەتتەر مەن الەۋەتتى انىقتاۋ ءۇشىن كوۋچينگ سەسسيالارىن قامتيدى. ەكىنشى كەزەڭدە ۇزاق مەرزىمدى وقىتۋ ماماندىق بويىنشا پراكتيكالىق ينتەنسيۆ تۇرىندە وتكىزىلەدى. ءۇشىنشى كەزەڭ جەكە بيزنەستى باستاۋعا كومەك كورسەتىلەدى.

پىكىر جازۋ

پوچتاڭىز جاريالانبايدى

ten + two =