Колледжде білім сайысы өтті

Астана қаласы ҚазГЗУ гуманитарлық заң колледжінде мектеп оқушылары білім жарысына түсті. Онда қала  мектептерінің 9-сынып оқушылары арасында «ҚР экономикасының дамуындағы теңгенің рөлі» тақырыбында сайыс өтті.

Сайыстың мақсаты оқушыларды тәуел­сіз еліміздің ай­рықша белгісі – тең­гемен таныстыру, төл теңгеміз­дің шығу тарихы, айналымға ену кезі туралы мағ­лұ­маттар беру. Оқу­шылардың бойына еліміз­ге деген ыстық сүйіспеншілікті, мақ­та­нышты сіңір­ту. Елін, жерін сүйіп құр­мет тұтатын жас жеткіншек­терді елжандыққа тәрбиелеу. Шарада сөз ал­ған ҚазГЗУ гу­ма­ни­тар­лық заң кол­леджінің дирек­торы Сәуле Зағипарова қаты­сушыларға сәттілік тіледі. Оқушы­лар теңгенің артық­­­шы­лықтары мен кем­шіліктері, тең­генің әлемдік валюталар­мен және Орта Азия елдерінің валютала­рымен бай­ла­нысы жөніндегі ойларын ортаға сал­ды. Жиын соңында барлық қа­тысушы­лар­ға ал­ғыс хаттар мен сыйлықтар тапсырылды.

Гүлмира АЙМАҒАНБЕТ