كودەكستەگى وزگەرىستەر كوپ جۇمىستى جەڭىلدەتەدى

0 145

sud_verdikt

بيىل مەملەكەت باسشىسى اكىمشىلىك-دەليكتتىك زاڭداردى جاڭارتىپ، جاڭعىرتۋعا، ازاماتتاردىڭ جانە مەملەكەتتىڭ قولسۇعۋشىلىقتان قور­عالۋىن ارتتىرۋعا باعىتتالعان قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە قول قويعان ەدى. وسىعان وراي اتالمىش كودەكسكە ەنگىزىلەتىن وزگەرىستەر جايىندا بىزگە الماتى اۋداندىق ادىلەت باسقارماسىنىڭ باسشىسى زاۋرە قورجىمباەۆا ايتىپ بەردى.

اكىمشىلىك قۇقىق بۇزۋشىلىق تۋرالى كودەكسكە قانداي وزگەرىستەر ەنگىزىلەدى؟

– بىرىنشىدەن، شاعىن بيزنەسكە قولداۋ كورسەتۋ ماقساتىندا شاعىن كاسىپكەرلىك سۋبەكتىلەرى ءۇشىن ايىپپۇلدار مولشەر­لەرى ورتا ەسەپپەن ەكى ەسە ازايتىلدى. سون­داي-اق، اكىمشىلىك جازانىڭ ءتۇرى رەتىن­دە ەسكەرتۋدى قولدانۋ اياسى كەڭەيتىلدى.

ەكىنشىدەن، اكىمشىلىك قۇقىق بۇزۋ­شىلىق تۋرالى ىستەردى قاراۋعا ۋاكىلەتتى ورگانداردىڭ قۇزىرەتى قايتا قارالدى. اكىمشىلىك جازا كوزدەلگەن باپتار ءۋا­كىلەتتى مەملەكەتتىك ورگانداردىڭ قا­راۋىنا بەرۋ جولىمەن سوتتاردىڭ جۇمىسى جەڭىلدەتىلدى.

ۇشىنشىدەن، ادام اكىمشىلىك قۇقىق بۇزعان جەردە حاتتامامەن بىرگە العان تۇبىرتەك بويىنشا ايىپپۇلىن تولەگەن جاعدايلاردا ءىس قىسقارتىلادى. ياعني، ول ءوزىنىڭ قۇقىق بۇزعاندىعى جونىندە دەرەكپەن كەلىسىپ، كىناسىن مويىندايدى، ءوز ەركىمەن ايىپپۇل تولەۋگە دايىن ءارى ەشقانداي نارازىلىعى جوق. بۇل رەتتە قىسقارتىلعان ءىس حاتتاماسىن تاپ­سىرعان كەزدەن باستاپ وعان جەتى كۇندىك مەرزىمدە ايىپۇلدىڭ جالپى مولشەرىنىڭ 50 پايىزىن تولەۋىنە مۇمكىندىك بەرەتىن ۇيلەستىرۋشى تەتىك كوزدەلگەن.

سونىمەن قاتار، كودەكستىڭ 30-بابى بو­يىنشا لاۋازىمدى ادام ءوزىنىڭ قىزمەتتiك مiندەتتەرiن ورىنداماۋىنا بايلانىستى اكiمشiلiك قۇقىق بۇزۋشىلىققا جول بەرگەن جاعدايدا اكiمشiلiك جاۋاپكەرشىلىككە تارتىلادى. مۇنداي ءمان-جاي بولماعان كەزدە اكiمشiلiك قۇقىق بۇزۋشىلىقتىڭ جاسالۋىنا كiنالi لاۋازىمدى تۇلعا جالپى نەگiزدەردە جاۋاپتىلىققا جاتادى.

– كودەكستىڭ قانداي باپ، ەرەجەلەرى وزگەرىسسىز قالدى?

– قۇجات 920 باپتان تۇرادى. اكىم­شىلىك قۇقىق بۇزۋشىلىق تۋرالى كو­دەكس­تىڭ ۋاقىت سىنىنان وتكەن نەگىزگى ەرەجەلەرى مەن جالپى، ەرەكشە جانە راسىمدىك بولىمدەر دەپ بولىنگەن قۇرى­لىمى ساقتالدى.

– بۇل وزگەرىستەر قاي ۋاقىتتان باس­تاپ كۇشىنە ەنەدى؟

– كودەكستىڭ جاڭا رەداكتسياسى 2015 جىلعى 1 قاڭتاردان باستاپ قولدانىسقا ەنگىزىلەدى.

پىكىر جازۋ

پوچتاڭىز جاريالانبايدى

six − 4 =