Kitaphana şerwi

0 53

Keşe «Kerwen» sawda jäne oyın-sawıq ortalığında Ortalıqtandırılğan kitaphanalar jüyesiniñ uyımdastırwımen «Kitaphana şerwi» attı festïval' bastaldı. Bul mädenï şara üş künge jalğasadı.Festïval'diñ maqsatı – jastardı, jalpı jurtşılıqtı kitap oqwğa, qadirlewge däriptewdi közdeydi.
Mädenï şara ayasında awqımdı kitap körmesi uyımdastırıldı. Oğan 500 kitap qoyıldı. Bul jay ğana körme emes, ol kitaptardı oqwğa nemese üyge alwğa boladı. Mısalı, tañerteñnen tüske de­yin kitap alıp oqığan oqırman sanı 185-ke jetken. Sonday-aq hakim atamızdıñ 175 jıldıq mereytoyına oray «Abay oqwları» boldı. Bul bayqawğa qatıswğa eşqanday şek qoyılğan joq. Mektep oqwşısınan bastap, eresekterge deyin aqın öleñderi men qara sözderin oqıp, jïılğan qawımğa rwhanï läzzat sıyladı. «Abay oqwları» senbi küni de jalğasın tabadı. Al bügin Säken Seyfwllïniñ 125 jıldığına oray «Säken oqwları» ötedi. Sonımen qatar festïval' ayasında Memlekettik sıylıqtıñ lawreatı Nesipbek Aytulı, Nurlan Qalqa, Eldos Toqtarbay sekildi aqın-jazwşılarmen oqırmandardıñ kezdeswi bolmaq.
«Bïıl bizdiñ ortalıqtandırılğan kitaphanalar jüyesiniñ qurılğanına 45 jıl tolıp otır. Qazir ortalıqqa 18 kitaphana qaraydı. Jıl sanap oqır­mandar sanı köbeyip keledi. Äsirese, jetkinşekterdiñ kitapqa qızığwşılığı qwantadı. Al bügingi şara da sol oqırmandarımızğa arnalıp otır. Festïval' ötip jatqan jerdi aymaqtarğa bölip qoydıq. Mäselen, balalarğa arnap ertegi bölimi, oqırmandar zalı jumıs isteydi. Sonımen birge şerwge «Abay» jäne «Folïant» kitap dükenderi qoldaw körsetip otır. Qısqası, turğındarğa kitap merekesine keliñiz dep aytqım keledi» dedi Ortalıqtandırılğan kitaphanalar jüyesi dïrektorınıñ orınbasarı Gülmïra Aydarbekqızı.

Pikir jazw

Poçtañız jarïyalanbaydı