Кімдер келіп, кімдер кетті?

Осы аптада еліміздің билік саласында бірқатар өзгерістер болды.

Мемлекет басшысының Жарлы­ғы­мен бұрын Қазақстан Республи­ка­сы Президентінің көмекшісі – Қа­уіпсіздік Кеңесінің хатшысы қыз­метін атқарған Марат Мұхан­бет­­қазыұлы Тәжин Қазақстан Рес­­пуб­­­ли­ка­­сы­ның­ Мем­ле­кет­тік­ хат­­шы­­сы­ болып тағайындалды. Ал «Нұр­ Отан»­ Х­ДП­ тө­ра­ға­сы­ның­ бі­­рін­ші орынбасары болған Ба­қыт­­­жан Әбдірұлы Сағынтаевқа жа­ңадан құрылған Өңірлік даму ми­нистрлігінің тізгіні сеніп тапсы­рыл­ды. Ол Қазақстан Респуб­ликасы Премьер-Министрінің бірінші орынбасары қызметін де атқаратын болады.
«Нұр Отан» ХДП төрағасының бірінші орынбасары тізгінін Бауыржан Байбек ұстады.

Мемлекеттік хатшы қызметінен босаған Мұхтар Абрарұлы Құл-Мұ­хаммед Қазақстан Республикасының Мәдениет және ақпарат министрі болып тағайындалды. Ерболат Асқарбекұлы Досаев Қазақстан Республикасының Экономика және бюджеттік жоспарлау министрі орынтағына жайғасты.

Мемлекет басшысының өкімімен Талғат Амангелдіұлы Ермегияев жаңа құрылым – «Астана ЭКСПО – 2017» ұлттық компаниясы» акционерлік қоғамының бас­қарма төрағасы, ал бұрынғы Мә­дениет және ақпарат министрі Дархан Қамзабекұлы Мыңбай Қазақстан Республикасының Ұлт­тық мұражайының директоры қызметіне тағайындалды. Ал Қырымбек Елеуұлы Көшербаев өзі туған өңірі – Қызылорда облысының әкімі қызметіне кірісіп кетті.

Сондай-ақ, кеше Премьер-Министр Маңғыстау облысына жаңа әкім – Алик Айдарбаевты таныс­тырды.

Қымбат ТОҚТАМҰРАТ