Karantïnnen keyin qanşa jumıs ornı aşıladı?

0 43

Koronavïrws indeti jahan ekonomïkasınıñ jappay dağdarısqa uşırwına äkelip soqtırdı. Narıqtı ilgeri süyreytin tutas salalar toqırawğa tüsti. Qazirdiñ özinde 400 mïllïonnan astam käsiporınnıñ tağdırı qıl üstinde tur. Dünïe jüzinde eñbekke jaramdı halıqtıñ jartısına jwığınıñ tabısı azaydı. Sarapşılar älem ekonomïkası soñğı jüz jılda bolmağan deñgeyge quldıraydı dep topşılap otır.

Memlekettik deñgeydegi is-şaralar

Tötenşe jağday rejïmin qamtamasız etw jönindegi Memlekettik komïssïya otırısında el Prezïdenti ­Qasım-Jomart Toqaev osınday almağayıp zamanda Ükimet qabıldap jatqan mañızdı şaralardıñ biri – jaña «Jumıspen qamtwdıñ jol kartası» ekenin ayttı.
– Biz «Jumıspen qamtw jol kartası» bağdarlamasın jüzege asırwğa 1 trïllïon teñgege jwıq qarjı bölip otırmız. Bul – qomaqtı qarajat. Onı şağın bïznesti nesïelewge de paydalanwğa boladı. Sonıñ bäri quzırlı orındardıñ baqılawında bolıp, tolığımen maqsatqa say jumsalwğa tïis. Osı kürdeli kezeñde qarjılandırılıp jatqan jobalar arqılı eñ aldımen jaña jumıs orındarın aşw qajet. Buğan jumısşılardı barınşa köptep tartw kerek. Ünemi ekonomïkalıq tabıs äkeletin nemese adamï kapïtaldı damıtatın bastamalar qolğa alınwı qajet, – dedi Memleket basşısı.
Oğan deyin 5 mamırda QR Prem'er-mïnïstri Asqar Mamïnniñ törağalığımen ötken Ükimettiñ selektorlıq jïınında Jumıspen qamtwdıñ jol kartasın iske asırw mäseleleri qaralğan bolatın. Onda Eñbek jäne halıqtı älewmettik qorğaw mïnïstri Birjan Nurımbetov qazirgi jağdayğa baylanıstı bayandama jasadı.
«Bağdarlamanıñ negizgi şarttarı – qızmet körsetwşilerdiñ jäne paydalanatın qurılıs materïaldarınıñ kem degende 90%-ı otandıq öndirwşiler men merdigerlerden bolwı tïis, qurılıp jatqan jumıs orındarına jumıssız jürgen, äsirese jumıssız jastardıñ kem degende 50%-ı jumıspen qamtw ortalıqtarı arqılı tartılwı tïis» dedi B.Nurımbetov.
Respwblïka boyınşa «Jumıspen qamtwdıñ jol kartası» şeñberinde 6 506 jobanı usınıldı. Onıñ 2 703 jobası – älew­mettik ïnfraqurılımğa, 1 039 jobası – turğın-üy şarwaşılığına, 1 799 jobası ïnjenerlik-kölik ïnfraqurılımğa jäne 695 joba eldi mekenderdi abattandırwğa qatıs­tı. Bul jobalar jüzege asırılğan jağdayda jañadan 255 mıñ jumıs ornı aşılatın boladı. Sonday-aq ekonomïkanıñ türli salalarında 100 mıñnan astam turaqtı jumıs ornı qurıladı. Qazaqstanda qolğa alınıp jatqan barlıq bağdarlamalardıñ älewetin eskere kele, 2020 jılı 1 mln 220 mıñ adamdı jumısqa tartwğa mümkindigi bar ekenin ayta ketken jön.

Astanada qanday bağdarlamalar jumıs isteydi?

Respwblïka boyınşa är oblıs, qala, awdan jäne awıl deñgeyinde halıqtı jumıspen qamtwdıñ keşendi josparı jasalıp, är jobanıñ pasportı äzirlendi. Osığan oray elordada «Eñbek», «Jumıspen qamtwdıñ jol kartası» bağdarlamaları (JQJK) jüzege asırıladı.
– Nätïjeli jumıspen qamtwdı jäne jappay käsipkerlikti damıtwdıñ 2017-2021 jıldarğa arnalğan «Eñbek» memlekettik bağdarlaması eñbek narığında suranısqa ïe käsibï dağdılar men biliktilik alwdıñ tïimdi jüyesin qurwğa, jappay käsipkerlikti damıtwğa, halıqtıñ älewmettik osal toptarın qoldawğa jäne eñbek deldaldığınıñ tïimdi modelin qurwğa bağıttalğan, – dedi «Nur-Sultan qalası äkimdiginiñ halıqtı jumıspen qamtw ortalığı» KMM dïrektorı Baqıtbek Qabjanov.
Onıñ aytwınşa, «Eñbek» bağdarlaması ayasında käsiptik oqwğa qatısw, jaña bïznes-ïdeyalardı iske asırw üşin memleketten grant alw, şağın nesïe berw boyınşa keñes alw usınıladı. Sonday-aq astana turğındarı Halıqtı jumıspen qamtw ortalığınıñ (Ortalıq – avt.) uyımdastırwımen ötkizilip jatqan jastar täjirïbesi, älewmettik jumıs ornı, qoğamdıq jumıstar bağdarlamalarına qatıswğa mümkindik aldı.
Sonday-aq «Jumıspen qamtwdıñ jol kartası» bağdarlaması boyınşa 2020-2021 jıldarı ïnfraqurılımdıq jobalardı iske asırw bastaldı. Qazirgi kezde oğan qajetti bilikti mamandar iriktelwde.
JQJK ayasında aldağı eki jılda kelesidey jumıs türleri men nısandar boyınşa ïnfraqurılımdıq jobalar qolğa alınatın boldı:
– älewmettik-mädenï nısandardı kürdeli jäne ağımdağı jöndew, qayta jañartw;
– turğın üy-kommwnaldıq şarwaşılıq nısandarın kürdeli, ortaşa jäne ağımdağı jöndew, qayta jañartw;
– ïnjenerlik-kölik ïnfraqurılımın kürdeli, ortaşa jäne ağımdağı jöndew, qayta jañartw, salw;
– qalalıq nısandardı abattandırw.
«Jumıspen qamtwdıñ jol kartası» bağdarlaması ayasında barlığı 15 253 adamdı eñbekpen qamtamasız etilwi tïis. Onıñ 7627 adamı Nur-Sultan qalasındağı Ortalıq arqılı jumısqa ornalastırılatın boladı. Bul jerde eñ birinşi jumıssız jürgen jastarğa basa nazar awdarıladı.
Al «Eñbek» memlekettik bağdarlaması ayasında qalada 2017-2021 jıldarı aralığında 4 585 adamdı jumıspen qamtw josparlanğan: onıñ işinde jastar täjirïbesi – 1370, qoğamdıq jumıstar – 3065, älewmettik jumıs ornı – 150.
Ayta ketetin bir jayt, osınaw qısıltayañ şaqta memleket mügedek jandardı jumıspen qamtw jayın da nazardan tıs qaldırmağan.
– Ortalıq qızmetkerleri jumıs berwşilermen jüyeli türde jumıs orındarınıñ kvotasın saqtaw boyınşa tüsindirw kezdeswlerin ötkizip otıradı. Mügedekterdi jumısqa ornalastırwdıñ negizgi türi jumıs orındarın kvotalaw bolıp tabıladı. Soğan säykes Nur-Sultan qalasınıñ uyımdarında awır jumıstardı, eñbek jağdayları zïyandı jäne qawipti jumıstardan basqa qızmetterdiñ tizimdik sanınıñ 2-den 4 payızın quraytın mölşerde jumıs orındarınıñ kvotası belgilendi. Kvotalawğa menşik nısanına qaramastan barlıq uyımdar jatadı.
Mümkindigi şektewli tulğalar jumıspen qamtw bağdarlamalarına qatısadı. Osı turğıdan alğanda, qoğamdıq jumıstar, älewmettik jumıs orındarı erekşe suranısqa ïe, – dedi Nur-Sultan qalası äkimdigi Halıqtı jumıspen qamtw ortalığınıñ baspasöz hatşısı Aymïra Mwkswlova.
Sonımen qatar, tötenşe jağdaylarğa baylanıstı resmï türde tirkelgen jumıssızdarğa avtomattı türde 2 AEK tağayındaldı. Jumıstan bosatılğan qızmetkerler mindetti älew­mettik saqtandırw jüyesine qatısw ötiline jäne soñğı 24 aydağı tabısına baylanıstı 1-6 ayğa deyin älewmettik tölemder aladı. Tölem MÄSQ qarajatı esebinen joğalğan tabıstıñ 40% mölşerinde beriledi. Tölemderdi alw üşin Jumıspen qamtw ortalığında jumıssız retinde tirkelw qajet.
Bos jumıs orındarı twralı aqparat www.enbek.kz. elektrondıq eñbek bïrjasında körsetilgen. Sonımen qatar www.cz.astana.kz. resmï saytında jarïyalanadı.
Karantïn kezeñinde qala turğındarına onlayn-keñes berw üşin call-ortalıq operatorlarınıñ sanı arttırılğan bolatın. Jumıspen qamtw ortalığınıñ barlıq qızmetteri onlayn rejïminde, egov portalı, call-ortalıq, elektrondıq poşta, uyalı baylanıs qurılğıları arqılı körsetiledi. Tolıq aqparat Ortalıqtıñ resmï saytında jäne älewmettik jelilerinde qoljetimdi.

Pikir jazw

Poçtañız jarïyalanbaydı

sixteen − eleven =