İskerlik ilgerilew kepili

0 87

Keşe Astana qalası käsipkerleriniñ İİİ jıl sayınğı konferencïyası ötti. Oğan şahar basşısı Ädilbek  Jaqsıbekov qatıstı. Bul twralı äkimdiktiñ baspasöz qızmeti habarladı. 

Jïında söz alğan «Atameken» Ulttıq käsipkerler palatasınıñ törağası Tïmwr Qulıbaev kä­sipkerlikti qoldaw jönindegi ju­mıstardıñ nätïjelerin joğarı bağaladı. «Elordada iskerlik klïmattı damıtw üşin qolaylı jağday jasalğan. Astanalıq täjirïbeni respwblïkanıñ basqa da qalalarına qoldanatın bolamız» dedi ol.

Elorda äkimi Ädilbek Jaqsıbekov ekonomïkalıq älewettiñ öswi, qala turğın­da­rınıñ äl-awqatı men ömir sürw jaylılığı deñgeyiniñ artwı, jas astananıñ zamanawï kelbeti men ïmïdji käsipkerliktiñ iskerlik belsendiligine tikeley baylanıstı ekendigin atap ötti. Sonday-aq, elordanıñ bastı ekonomïkalıq kör­set­kişterine toqtaldı. Ädilbek Jaqsıbekovtiñ aytwınşa, 2050 jılğa qaray şağın jäne orta bïznestiñ jalpı önimdegi ülesin kem degende 50 payızğa jetkizw twralı Memleket basşısınıñ mindeti merziminen burın orındaldı. Qazirgi tañda osı talap turğısınan Astananıñ ülesi 61 payızğa jetti. Şağın jäne orta käsipkerlikpen ärbir üşinşi turğın, yağnï, 283 mıñ astanalıq aynalısadı. Elorda – önerkäsiptik öndiris ösiminiñ qarqını boyınşa da köşbasşılar qatarında.

Konferencïyada «Bïznestiñ jol kartası – 2020» bağdarlaması sätti iske asırılıp jatqanı aytıldı. Astana nesïelerdi kepildendirwden respwblïkada birinşi, al swbsïdïyalawdan ekinşi orında. Osığan deyin jalpı qunı 88 mïllïard teñgeniñ 504 jobası qoldaw taptı.

Elordada Käsipkerlerge qızmet körsetw ortalığı tabıstı jumıs istewde. Onda aqparattıq jäne konswl'tacïyalıq qoldaw boyınşa qızmetter keşeni «bir tereze» qağïdatımen tegin körsetiledi. Bıltır munda 13,5 mıñ konswl'tacïyalıq qızmet körsetilgen. Bul rette kömekke jügingenderdiñ jartısınan astamı qarjılıq qoldaw men oqıtw şaralarına qızığwşılıq tanıtqan.

Basqoswda Ïndwstrïaldı park­tegi bïznes ökilderine beri­letin basımdıqtar da taldandı. Büginde №1 Ïndwstrïaldı park awmağında jalpı qunı 187,5 mïllïard teñgeniñ 62 ïnvestïcïyalıq jobası jüzege asırılw üstinde. Osı käsiporındardıñ byudjetke tölegen salığı esebinen park ïnfraqurılımınıñ qurılısına jumsalğan qarjı tolığımen aqtaldı. Oğan qosa, 3 mıñnan astam jumıs ornı qurıldı. №1 Ïndws­trïaldı park awmağında qurılıs, qondırğılar, maşïna jasaw, şïkizat jäne önerkäsip salalarındağı jobalar iske asırılsa, №2 parkte ekologïyalıq jäne ïnnovacïyalıq bastamalarğa basımdıq beriledi. Elorda äkimi käsipkerlik orta ökilderin osı salalarğa nazar awdarwğa jäne ïnnovacïyalıq bïznes ïdeyalardı belsendi tartwğa şaqırdı.

astana-akshamy.kz

Pikir jazw

Poçtañız jarïyalanbaydı

one × four =