Ïnvestïcïyalıq jobalar ïgiligi

0 129

Bügingi tañda elimizde memlekettik üdemeli ïndwstrïyalıq-ïnnovacïyalıq damw bağdarlaması jüzege asırılwda. Bul jöninde keşe qalalıq mäslïhattıñ byudjet, ekonomïka, önerkäsip jäne käsipkerlik mäseleleri jönindegi turaqtı komïssïyasınıñ kezekti otırısı barısında keñinen söz boldı. 

Kün tärtibinde bir ğana mäsele qaraldı. Ol boyınşa Astana qalası Käsipkerlik jäne önerkäsip basqarması bastığınıñ orınbasarı Rısgül Qawğabaeva bayandama jasap, memlekettik üdemeli ïndwstrïyalıq-ïnnovacïyalıq damw bağdarlamasınıñ ayasındağı ïnvestïcïyalıq jobalardıñ jüzege asırılw jağdayı twralı äñgimeledi.

Ekonomïkanı ärtaraptandırw jäne onıñ bäsekege qabilettiligin arttırw arqılı ornıqtı jäne teñgerimdi öswin qamtamasız etwge bağıttalğan bağdarlama ayasında qazir elimizdiñ barlıq öñirlerindegidey Astanada da irgeli jobalardıñ jüzege asırılıp jatqanı jöninde ayta kele, Rısgül Boranbayqızı bul öz kezeginde jaña öndiris orındarınıñ aşılıp, aza­mattarımızdıñ jumıspen qam­tamasız etilwine jol aşqanın jetkizdi. 2010-2014 jıldarğa arnalğan memlekettik üdemeli ïndwstrïyalıq-ïnnovacïyalıq damw bağdarlamasınıñ jüzege asırılwı ayasında bügingi tañda Astana qalası boyınşa jalpı qunı 392 mlrd teñgeni quraytın 19 joba jüzege asırılğan. Osı­nıñ nätïjesinde 7 mıñnan astam jaña jumıs ornı aşılıp, osınşa elordalıq azamat jumıspen qamtamasız etilgen.

Atalmış bağdarlama şeñ­berinde 2010 jılı 2 käsiporın paydalanwğa berilgen bolatın. Al, bıltırğı jıldıñ özinde 3 käsiporın, atap aytsaq, «Talgo» jolawşılar vagondarın şığaratın «Tulpar -Talgo» JŞS zawıtı men kök­önis önimderin öndirw men öñdeytin «AstanaEkoStandart» JŞS jäne «Stal'cïnk» JŞS zawıtınıñ birinşi kezeñi iske qosılğanı belgili. Osı jobalardı jüzege asırw barısında 850 jumıs ornı aşılıp, olardıñ 124-i qurılıs jumıstarı bas­­­talğan sätte-aq eñbekke ara­lasqanı twralı bayanday kele, basqarma bastığınıñ orınbasarı üstimizdegi jıldıñ basınan beri bağdarlama şeñberinde tağı tört jobanıñ jüzege ası­rılğanın tilge tïek etti. Bul käsiporındardıñ bäri de Asta­nadağı Ïndwstrïaldıq park awmağında ornalasqan. Olar, söz joq, elimizdiñ ekonomïkalıq damwına ülken serpin berwde.

Gülbarşın ÖKEŞQIZI

Pikir jazw

Poçtañız jarïyalanbaydı

18 − eleven =