Ïnternet alayaqtarın tusağan

0 47

İİM Krïmïnaldıq polïcïya departamenti Kïberqılmıspen küres ortalığınıñ ağa jedel wäkili, polïcïya podpolkovnïgi Janar Muğalova işki ister organdarında 1998 jıldan beri qızmet etip keledi. Büginde QR İİM Krïmïnaldı polïcïya departamentiniñ Kïberqılmıspen küres ortalığında jumıs isteydi, aqparattıq tehnologïyalardı qoldanw arqılı jasalğan quqıq buzwşılıqtar men qılmıstıq isterdi zerttep, faktorlarğa taldaw jürgizedi.Ol – sonımen birge meyir­ban ana. İssaparlarğa jïi şığatın Janardı üyde tilewin tilep anası men 13 jasar qızı Dalïda asığa kütip otıradı. Eñ jaqın adamdarınıñ ıstıq ıqılası onıñ köñiline qanat bitiredi. Anası men qızı Janardıñ ömiriniñ bar mäni men mağınasına aynalğan.
Janar Sälimgereyqızı Qostanay qalasında twıp-ösken. 1998 jılı A.Baytursınov atındağı Qostanay memlekettik wnïversïtetin, 2006 jılı Qostanay zañ ïnstïtwtın bitirgen. Qos­tanay oblıstıq PD krïmïnaldıq polïcïya basqarmasında kïberqılmıspen küres salasında qızmet etken 2009-2018 jıldar aralığında jedel-izdestirw äreketi men analïtïkalıq barlaw ädisterin qoldana otırıp, awır jäne asa awır qılmıstardı aşwğa tikeley qatısqan, eñbegi elenip, Qostanay oblısınıñ PD basşılığımen birneşe ret marapattal­ğan. Sonımen birge Janar Sälim­gereyqızı aqparattıq tehnologïyalar salasında jasalğan quqıq bu­zw­şılıqtardı aşw üşin PD qurğan topqa jawaptı boldı. 2017 jılı Janar Muğa­lovanıñ tikeley qatıswımen uzaq waqıt boyı ïnternette alayaqtıq ärekettermen aynalısqan top ustaldı. Jedel-izdestirw şara­larınıñ nätïjesinde ustalğandarğa qatıstı 50-den astam alayaqtıq fakti­ler däleldendi.
İİM Krïmïnaldıq polïcïya departamenti Kïberqılmıspen küres ortalığınıñ ağa jedel wäkili, polïcïya podpolkovnïgi Janar Muğalova: «Qurmetti äyelder qawımı! Är künderiñiz jaqsılıqtıñ nurımen, jaqındardıñ mahabbatımen, mıqtı azamattıñ sıylastıq sezimimen tolığıp, osınday meyirimniñ qwatı sizderdi ädemi, senimdi, tabıstı jäne küşti bolwğa şabıttandırsın» dep tilek bildiredi.

Pikir jazw

Poçtañız jarïyalanbaydı

seventeen − nine =