ينتەرنەت الاياقتارىن تۇساعان

0 47

ءىىم كريمينالدىق پوليتسيا دەپارتامەنتى كيبەرقىلمىسپەن كۇرەس ورتالىعىنىڭ اعا جەدەل ۋاكىلى، پوليتسيا پودپولكوۆنيگى جانار مۇعالوۆا ىشكى ىستەر ورگاندارىندا 1998 جىلدان بەرى قىزمەت ەتىپ كەلەدى. بۇگىندە قر ءىىم كريمينالدى پوليتسيا دەپارتامەنتىنىڭ كيبەرقىلمىسپەن كۇرەس ورتالىعىندا جۇمىس ىستەيدى، اقپاراتتىق تەحنولوگيالاردى قولدانۋ ارقىلى جاسالعان قۇقىق بۇزۋشىلىقتار مەن قىلمىستىق ىستەردى زەرتتەپ، فاكتورلارعا تالداۋ جۇرگىزەدى.ول – سونىمەن بىرگە مەيىر­بان انا. ىسساپارلارعا ءجيى شىعاتىن جاناردى ۇيدە تىلەۋىن تىلەپ اناسى مەن 13 جاسار قىزى داليدا اسىعا كۇتىپ وتىرادى. ەڭ جاقىن ادامدارىنىڭ ىستىق ىقىلاسى ونىڭ كوڭىلىنە قانات بىتىرەدى. اناسى مەن قىزى جاناردىڭ ءومىرىنىڭ بار ءمانى مەن ماعىناسىنا اينالعان.
جانار سالىمگەرەيقىزى قوستاناي قالاسىندا تۋىپ-وسكەن. 1998 جىلى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن، 2006 جىلى قوستاناي زاڭ ينستيتۋتىن بىتىرگەن. قوس­تاناي وبلىستىق پد كريمينالدىق پوليتسيا باسقارماسىندا كيبەرقىلمىسپەن كۇرەس سالاسىندا قىزمەت ەتكەن 2009-2018 جىلدار ارالىعىندا جەدەل-ىزدەستىرۋ ارەكەتى مەن اناليتيكالىق بارلاۋ ادىستەرىن قولدانا وتىرىپ، اۋىر جانە اسا اۋىر قىلمىستاردى اشۋعا تىكەلەي قاتىسقان، ەڭبەگى ەلەنىپ، قوستاناي وبلىسىنىڭ پد باسشىلىعىمەن بىرنەشە رەت ماراپاتتال­عان. سونىمەن بىرگە جانار ءسالىم­گەرەيقىزى اقپاراتتىق تەحنولوگيالار سالاسىندا جاسالعان قۇقىق بۇ­زۋ­شىلىقتاردى اشۋ ءۇشىن پد قۇرعان توپقا جاۋاپتى بولدى. 2017 جىلى جانار مۇعا­لوۆانىڭ تىكەلەي قاتىسۋىمەن ۇزاق ۋاقىت بويى ينتەرنەتتە الاياقتىق ارەكەتتەرمەن اينالىسقان توپ ۇستالدى. جەدەل-ىزدەستىرۋ شارا­لارىنىڭ ناتيجەسىندە ۇستالعاندارعا قاتىستى 50-دەن استام الاياقتىق فاكتى­لەر دالەلدەندى.
ءىىم كريمينالدىق پوليتسيا دەپارتامەنتى كيبەرقىلمىسپەن كۇرەس ورتالىعىنىڭ اعا جەدەل ۋاكىلى، پوليتسيا پودپولكوۆنيگى جانار مۇعالوۆا: «قۇرمەتتى ايەلدەر قاۋىمى! ءار كۇندەرىڭىز جاقسىلىقتىڭ نۇرىمەن، جاقىنداردىڭ ماحابباتىمەن، مىقتى ازاماتتىڭ سىيلاستىق سەزىمىمەن تولىعىپ، وسىنداي مەيىرىمنىڭ قۋاتى سىزدەردى ادەمى، سەنىمدى، تابىستى جانە كۇشتى بولۋعا شابىتتاندىرسىن» دەپ تىلەك بىلدىرەدى.

پىكىر جازۋ

پوچتاڭىز جاريالانبايدى

19 − 4 =