ÏNDWSTRÏYALIQ DAMWDIÑ BAĞDARI QANDAY?

Ïndwstrïyalıq-ïnnovacïyalıq damıtwdıñ 2015-2019 jıldarğa arnalğan memlekettik bağdarlamasınıñ jobası äzirlenip, ükimet otırısında bekitildi. Bul twralı Ortalıq kommwnïkacïyalar qızmetinde ötken Ükimet otırısınıñ qorıtındısı jönindegi brïfïngte mälim boldı.

Prem'er-Mïnïstrdiñ orınbasarı – QR Ïndwstrïya jäne jaña tehnologïyalar mïnïstri Äset Ïsekeşevtiñ aytwınşa, mïnïstrler kabïneti bekitken bağdarlama jobası osı aydıñ ayağına deyin Prezïdent äkim­şiligine joldanadı.

Bul – ïndwstrïyalıq-ïnnovacïyalıq damıtw bağdarlamasınıñ ekinşi bes jıldıqtağı josparı. Onıñ maqsatı – ekonomïkanıñ ornıqtı jäne teñgerimdi öswin qamtamasız etw, ekonomïkanıñ basım sektorların älewmettik tïimdi damıtwdı küşeytw jäne ïnvestïcïyalıq jobalardı iske asırw, ïndwstrïyalan­dırw üşin qolaylı orta qurw jäne älewetti, utımdı awmaqtıq uyımdastırw negi­zinde ekonomïkalıq ösim orta­lıqtarın qalıptastırw. Osı bağ­darlamanı jüzege asırw arqı­lı Qa­zaq eli älemniñ eñ damığan 30 eliniñ qa­tarına qosılwdı közdep otır.

Aldağı besjıldıqqa jospar­lanğan qujatta klasterlerdi da­mıtwğa, ïn­no­vacïyalıq jäne tehno­logïyalıq modernïzacïyalawğa ay­rıqşa mañız berilgen.