حاركوۆتە ابايعا ەسكەرتكىش ورناتىلادى

0 30

بۇل تۋرالى قازاقستان رەسپۋبليكاسىنىڭ ۋكرايناداعى توتەنشە جانە وكىلەتتى ەلشىسى دارحان كالەتاەۆتىڭ حاركوۆ قالالىق كەڭەسىنىڭ حاتشىسى يگور تەرەحوۆپەن كەزدەسۋىنەن كەيىن ءمالىم بولدى. ءىسساپار بارىسىندا قالانىڭ ورتالىق الاڭدارىنىڭ بىرىنە ۇلى ابايدىڭ ەسكەرتكىشى ورناتىلاتىنى تۋرالى ۋاعدالاستىققا قول جەتكىزىلدى.كەزدەسۋدە ءمۇسىنشى سەيفاددين قۇربانوۆ ەسكەرتكىشتىڭ جوباسىمەن تانىستىردى. بۇل جوبا ەسكەرتكىش-تريپتيح تۇرىندە جاسالعان. ءمۇسىنشى بۇل ەڭبەگىن «ءومىر اعاشى» دەپ اتادى. ەسكەرتكىشتىڭ ورتا تۇسىندا حاكىم اباي بەينەلەنگەن. ۇلى اقىننىڭ قوس قاپتالىندا ۋكراينانىڭ حالىق اقىنى گريگوري سكوۆورودا مەن ازەربايجاننىڭ اعارتۋشى، فيلوسوفى مىرزا فاتالي احۋندوۆتىڭ كەسكىندەرى ادىپتەلگەن. ەسكەرتكىشتىڭ جالپى بيىكتىگى – 4 مەتر. گۇلزاردىڭ اۋماعى – 2543 شارشى مەتر.
ول حاركوۆتەگى حالىق ەڭ كوپ جۇرەتىن، دەمالىس ايماعىنداعى كورنەكى جەردە ورنالاسقان. توڭىرەگى سۋبۇرقاقتارمەن قورشالىپ، جاسىل جەلەكتەرمەن كومكەرىلگەن. «بۇل ەسكەرتكىشتى ءبىزدىڭ ۋكراين باۋىرلارىمىزدىڭ قازاق حالقىنا، قازاق تاريحى مەن رۋحانياتىنا كورسەتىلگەن شەكسىز قۇرمەتى رەتىندە قابىل الامىز» دەدى د.كالەتاەۆ قالا باسشىلىعىنىڭ باستاماسىنا ريزاشىلىعىن ءبىلدىرىپ.

پىكىر جازۋ

پوچتاڭىز جاريالانبايدى

four × one =