HALIQTIQ BAĞDARLAMA BARISI

0 87

Astana qalasında Halıqtıq IPO bağdarlaması boyınşa aqparattıq-tüsindirw nawqanı bastaldı. Sonıñ ayasında halıqpen jumıs isteytin däriskerlerdi oqıtw uyımdastırılıp, ol boyınşa 43 adam bilimin jetildirdi.

Prezïdent «Nur Otan» HDP-nıñ 13-şi s'ezinde halıqtıq IPO bastamasın kötergen edi. IPO (Initial Public Offering) – aytwlı kompanïyanıñ akcïyaların qor bïrjası arqılı şektelmegen adamdar sanına satw, sol arqılı kompanïyanıñ älewetin köterip, qosımşa tabıs tabwdı közdeydi.
Qarjılıq sektordıñ damwın qamtamasız etip, jergilikti halıqtı el işindegi ïnvestïcïyalıq mädenïetke tartwdı maqsat etken bağdarlama şeñberinde ağımdağı jıldıñ 11 mamırına deyin respwblïkanıñ barlıq aymağında 660 däriskerdi oqıtw qolğa alınğan.
Elordada «Samurıq-Qazına» Ulttıq äl-awqat qorı uyımdastırğan trenïng barısında 43 adam bağdarlama boyınşa bilimin jetildirdi. Eki kün boyı jalğasqan şarada halıqqa jobanıñ barlıq aspektileri tolıqtay tüsindirildi.
Jalpı Halıqtıq IPO bağdarlamasına «Samurıq-Qazına» qorınan 400-den asa potencïaldı kandïdattar qarastırılğan eken.
Ayta ketken jön, 2015 jılğa deyin bağalı qağazdar narığında kompanïyalardıñ akcïyaların şığarw kezeñ-kezeñimen jüzege aspaqşı. Bïılğı jılı eñ birinşi bolıp akcïyalardı «QazTransOyl» kompanïyası şığaradı. Kelesi jılı «KEGOS», «Air Astana», «QazTransGaz», «Kazteñizkölikflot» jäne «Samurıq-Energo» kompanïyalarınıñ mindetine jüktelgen. Al 2014-2015 jıldarı «QazaqstanTemirJolı», Qaztemirtrans», «Kazatomönerkäsip», QazMunayGaz» kompanïyaları bağdarlamanıñ soñğı kezeñin ayaqtaytın boladı.
Halıqpen baylanıs jasaytın däriskerlerdi oqıtw jïınında, atalmış kompanïyalardıñ normatïvtik-quqıqtıq bazası, turğındar arasındağı qarjılıq sawattılıq deñgeyi, qor narığınıñ erekşelikteri, ïnvestïcïyalawdıñ strategïyaları, sonday-aq bağdarlamağa qalay qatısw kerektigi jöninde äñgime örbidi.

Halıqtıq IPO bağdarlaması twralı 8 800 080 50 70 «Jedel jeli» iske qosıldı. Ol boyınşa är öñirlerde däris ötkiziletin şaralar twralı aqparat qarastırılğan.

Gülmïra ŞARHANQIZI

 

Pikir jazw

Poçtañız jarïyalanbaydı

nine + seven =