حالىقتى ازىق-تۇلىكپەن قامتاماسىز ەتۋ – باستى مىندەت

0 16

قاسىم-جومارت توقاەۆ «Continental Logistics» كاسىپورنىنىڭ كولىك-لوگيستيكا ورتالىعىنا بارىپ، 6 مىڭ توننادان استام ازىق-تۇلىك تاۋارلارى ساقتالعان قويمانى ارالاپ كوردى. جالپى، نۇر-سۇلتان قالاسىنىڭ اۋماعىندا كولەمى 222 مىڭ شارشى مەتر بولاتىن 7 لوگيستيكالىق كەشەن جانە 37 مىڭ توننا ازىق-تۇلىك ونىمدەرىن ساقتاۋعا ارنالعان 7 كوكونىس قويماسى بار.پرەزيدەنتكە ەلوردا مەن وڭىرلەردى ازىق-تۇلىكپەن قامتاماسىز ەتۋ ماسەلەسى جايىندا باياندالدى. ساۋدا جانە ينتەگراتسيا ءمينيسترى باقىت سۇلتانوۆ مەملەكەت باسشىسىنا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن رەتتەۋ ماقساتىندا قابىلداعان شارالار تۋرالى مالىمەت بەردى. اۋىل شارۋاشىلىعى ءمينيسترى ساپارحان وماروۆ قازاقستان پرەزيدەنتىنە كوكونىس ونىمدەرىن، بيداي مەن ۇن جەتكىزۋ جايىن ­باياندادى. نۇر-سۇلتان قالاسىنىڭ اكىمى ­التاي كولگىنوۆ مەملەكەت باسشىسىنا ەلوردانىڭ قازىرگى احۋالى جونىندە ەسەپ بەردى.
قاسىم-جومارت توقاەۆ ۇكىمەتكە وبلىستار مەن قالالاردىڭ اكىمدەرىمەن بىرلەسىپ، ازىق-تۇلىك تاۋارلارى باعاسىنىڭ قىمباتتاۋىنا جول بەرمەۋدى، الىپ-ساتۋ فاكتىلەرىنىڭ الدىن الۋدى، سونداي-اق، تۇراقتاندىرۋ قورىن تولىقتىرۋدى تاپسىردى.
– بۇل – وتە ماڭىزدى جۇمىس. حالقىمىزدى ازىق-تۇلىكپەن قامتاماسىز ەتۋ ماسەلەسى – باستى مىندەت. وسى باعىتتا دۇرىس جۇمىس جۇرگىزۋ كەرەك، – دەدى مەملەكەت باسشىسى.
قاسىم-جومارت توقاەۆ قازىرگىدەي توتەنشە جاعداي كەزىندە ازىق-تۇلىك تاۋارلارىن تۇراقتى جەتكىزۋ باعىتىنداعى جۇمىستاردى جۇيەلى جۇرگىزۋگە ەرەكشە ءمان بەرىلەتىنىن جەتكىزدى.
پرەزيدەنتتىڭ ايتۋىنشا، ورتالىق ازيا مەملەكەتتەرىنىڭ ۇكىمەتتەرى جاردەم سۇراعان جاعدايدا، قازاقستان اتالعان ەلدەرگە ىنتىماقتاستىقتىڭ بەلگىسى رەتىندە ءتيىستى كومەك كورسەتۋگە ءازىر.
– ورتالىق ازياداعى كورشىلەس مەملەكەتتەرگە گۋمانيتارلىق كومەك كورسەتۋگە دا­يىنبىز. قازاقستان – ايماقتاعى كوشباسشى ەل. سوندىقتان وسىنداي قيىن-قىستاۋ كەزەڭدە كومەككە ءزارۋ ەلدەرگە قول ۇشىن سوزۋ مىندەتىمىز، – دەدى ­­قاسىم-جومارت توقاەۆ.

 

پىكىر جازۋ

پوچتاڭىز جاريالانبايدى

eighteen − twelve =