Halıq atın qoljawlıqqa aynaldırmayıq…

0 239

Qazir «halıq» sözi, şetelşe aytqanda, «trend» (trend), qazaqşa aytsaq, «qoljawlıq» boldı. Özinde  joğın, qol jetpeytin kem jağın tügendegisi kelgender «halıq» dep ataw qoyıp, upay jïnağısı keletin sïyaqtı.

Olay deytinim, jaqında ğana «Halıq alğısı» degen tösbelgi köpşilikti bir jarılqap tastadı. Qolı jetkender mäz. Şınımen de. Jay emes, muqım halıqtıñ alğısın arqalap jür eken. Bul, ärïne, sonday «alğıs» tïmey qalğannan tarılıp aytıp otırğan özimniñ jeke pikirim ğoy. Alayda mağan salsa «Halıq alğısı» memlekettiñ eñ bïik, ekiniñ biriniñ qolı jetpeytin, eren eñbegimen, mañday terimen, el aldındağı adal qızmetimen alatın marapattıñ biregeyi bolğanın qalar edim. Halqımnıñ narğasqalarınıñ jüreginiñ tusında halıqtıñ şın alğısı jarqırağanda pendelikten men de arılıp, qwanar edim.
Müftïyat «Halıq arna» aşqalı jatır. Qup, äytse de, atınan ulıq dinimiz añğarılmaytın arnanıñ bolaşağı qalay bolar eken dep tağı oyğa kettim. Endi «Asıl arna» arna atın emes, murağatın jañadan aşılatın «Halıq arnağa» beredi deydi. «Asıl arnanıñ» Quran sözi, hadïsteri men sol Qurandı oqıp-üyrenwge arnalğan bağdarlamaları quptarlıq edi. Müftïyat ta osı arnanı atımen de, zatımen de alıp, asılın qaldırıp, jasığın tastağanda ne bolar edi?! Sebebi halıqtıñ işinde dini bölek, dili bölekteri de bar ğoy…
Trendten qalsın ba, keşegi qızıl ïmperïyanıñ közindey bolıp jürgen bol'şevïkter (kommwnïs­ter) partïyası da «halıq» atın jamılıp şığa keldi. Keñ uğımmen alıp qarasaq, mına siz ben bizdiñ – barşamızdıñ partïyamız. Siz ben bizdiki. Ayta keteyin, bul üderistiñ qızığı, bizden hal suramaydı, köptiñ tilegine qaramaydı. Sonda onıñ qay jağı halıqtiki?! Jaña atawlardı, uyımdardı tirkeytin quzırlı orındar qayda qarap otır? «Halıq» degen qasïetti uğım emes pe? Halıq ne istey aladı? Bilmeymin.

 

 

Pikir jazw

Poçtañız jarïyalanbaydı

one × 1 =