Ğalımğa qurmet körsetti

0 52

L.Gwmïlev atındağı Ewrazïya ulttıq wnïversïtetinde aytwlı ğalım, Jwrnalïstïka mäselelerin zerttew ïns­tïtwtınıñ dïrektorı, UNESCO professorı Namazalı Omaşulınıñ jetpis jasqa tolwına arnalğan «Elimizdiñ medïakeñistigi: izdenister men jobalar» attı halıqaralıq ğılımï-täjirïbelik konferencïya bolıp ötti.

Jaqsılar bas qosqan jïın­dı atalğan oqw ornı­nıñ rektorı Erlan Sıdıqov aşıp, jürgizip otırdı. Aldımen mereytoy ïesin quttıqtawğa kelgen azamattar söz aldı. Memlekettik hatşı Qırımbek Köşerbaevtıñ quttıqtaw hatın Prezïdenttiñ keñesşisi, belgili ğalım, jwrnalïst Bawırjan Omarulı tapsırdı. Sonday-aq Prezïdent Äkimşiligi basşısınıñ birinşi orınbasarı Mäwlen Äşimbaevtıñ quttıqtawın Prezïdenttiñ baspasöz hatşısı Berik Wälï, Nur Otan partïyası basşılığınıñ quttıqtawın partïya hatşısı Arman Qırıqbaev, Parlament Mäjilisi törağasınıñ quttıqtaw hatın Mäjilis depwtatı Darhan Mıñbay oqıp berdi. Aqparat jäne qoğamdıq damw mïnïstri Däwren Abaev ta ardaqtı azamatqa izgi lebizin bildirdi.
Sonday-aq talanttı aqındar Nesipbek Aytulı men Bawırjan Jaqıp ğïbrattı ğalımnıñ tulğasın öleñmen somdap, tögiltip jır oqıdı. Namazalı ağamız uzaq jıldar boyı Almatıdağı äl-Farabï atındağı Qazaq ulttıq wnïversïtetinde qızmet istedi. Sondıqtan Alatawdıñ etegindegi äsem şahardıñ sälemin alıp kelgen Qazaq ulttıq wnïversïtetiniñ jwrnalïstïka fakwl'tetiniñ dekanı Sağatbek Medewbekov ulağattı ustazğa iltïpatın körsetti.
Konferencïya barısında körnekti aqın Jürsin Erman «Biregey (tulğatanw orayında)», J.Balasağun atındağı Qırğız ulttıq wnïversïtetiniñ professorı Äbiğanı Halïlov «Qazaq jäne qırğız jwrnalïstïka ğılımınıñ jetekşisi», Halıqaralıq aqparattıq-tehnologïyalar wnïversïtetiniñ professorı Ayazbï Beysenqulov «Jwrnalïstïka ğılımınıñ mektebi jäne N.Omaş­ulı eñbegi», fïlologïya ğı­lımdarınıñ doktorı, professor Tursın Jurtbay «Aqılı men qayratın qatar ustap», professor Rahımjan Turısbek «Berik ustanım men tereñ parasat» taqırıbında arnayı bayandama jasadı. Sonımen birge mereytoy ïesi jaylı «Ötkir sözdiñ almas kezdigi» attı derekti fïl'm körsetilip, äl-Farabï atındağı Qazaq ulttıq wnïversïteti ğılımï keñesiniñ bekitwimen «Önegeli ömir» serïyası ayasında jarıq körgen Namazalı Omaşulı twralı kitaptıñ tanıstırılımı boldı.

Pikir jazw

Poçtañız jarïyalanbaydı

twelve − 12 =