گاز جۇيەسى قاتاڭ قاداعالانۋى ءتيىس

0 99

ەستەرىڭىزگە سالساق، بۇرناعى كۇنى اقجول كوشەسى، 26 مەكەنجايىندا ورنالاسقان جەكە گاز تولتىرۋ ستانساسى اۋماعىندا سىيىمدىلىعى 5 تەكشە مەتردى قۇرايتىن تسيستەرنا ورتەنگەن بولاتىن. سونىڭ سالدارىنان ستانسا ماڭىنداعى قويمانىڭ شاتىرى ءبۇلىنىپ، جاتاقحانا تەرەزەلەرى سىنعان.

سونداي-اق 31 جەلتوقسان كۇنى رەسەي فەدەراتسياسىنىڭ ماگنيتوگورسك قالاسىنداعى 10 قاباتتى تۇرعىن ۇيدە گاز باللونى جارىلىپ، سالدارىنان بىرنەشە ادام كوز جۇمعان. وسىعان وراي، استانا قالاسى­نىڭ اكىمى باقىت سۇلتانوۆ مۇنداي جاعدايدىڭ الدىن الۋ ماقساتىندا اپپاراتتىق كەڭەس­تە توتەنشە جاعداي دەپارتامەنتى مەن باسقا دا جاۋاپتى مەكەمەلەرگە قالاداعى بارلىق گاز تولتىرۋ ستانساسىن تەكسەرۋدى تاپسىرىپ، ونى تىكەلەي ءوز باقىلاۋىنا الۋدى ورىنباسارى قوسمان ايتمۇحامەتوۆكە جۇكتەدى.
بۇل تۇرعىدا كەشە ارنايى جۇمىس توبى سەيفۋللين كوشەسى، 18-ءۇي مەكەنجايىنداعى 5 قاباتتى ءۇيدىڭ كىرەبەرىسىندە ورناتىلعان گاز قۇرىلعىلارىن تەكسەرۋدەن باستادى.
– بۇگىنگى ۋاقىتتا استانادا ورتالىقتاندىرىلعان گازبەن قامتاماسىز ەتۋ جۇيەسىنە 80 مىڭعا جۋىق پاتەردى قۇرايتىن 1080 ءۇي قوسىلعان. بۇل رەتتە جەراستى رەزەرۆۋار سانى – 1400. وسى ورايدا گاز-اۋا قوس­پالار جارىلىسىنىڭ جانە تەحنوگەندى سيپاتتاعى توتەنشە جاعدايلاردىڭ الدىن الۋ ماقساتىنداعى قالالىق اكىمدىك تاراپىنان جۇرگىزىلەتىن كوپ قاباتتى تۇرعىن ۇيلەردىڭ گاز جەلىلەرىن تەكسەرۋ شارالارى الداعى ءبىر اي ىشىندە تولىق اياقتالۋى ءتيىس، – دەگەن قالالىق ورتا ساپاسى جانە باقىلاۋ باسقارماسى گازدى ينسپەكتسيالاۋ جانە كوتەرگىش قوندىرعىلاردى باقىلاۋ ءبولىمىنىڭ باسشىسى ماقسات ابىلوۆ گازبەن قامتاماسىز ەتۋ جۇيەسىندە ەشقانداي قاۋىپ جوق ەكەنىن مالىمدەدى.
الايدا «ساراپشىلاردىڭ تاۋەلسىز گازدى اسسوتسياتسياسى» زاڭدى تۇلعالار قوعامدىق بىرلەستىگىنىڭ توراعاسى فەدور موردۆكيننىڭ ايتۋىنشا، ارنايى قۇرىلعىنىڭ كورسەتكىشىنە سايكەس، كەڭەس وداعى كەزىندە سالىنعان ەسكى ۇيلەردەگى گاز جابدىقتارىنىڭ 90 پايىزىن اۋىستىرىپ، جاڭالاۋ قاجەت.

پىكىر جازۋ

پوچتاڭىز جاريالانبايدى

eighteen − fourteen =