G-GLOBAL — ÏNNOVACÏYALIQ BASTAMA

0 165

Bizdiñ elimiz üşin bïılğı jıldıñ ıqpaldı oqïğa­larınıñ biri – G-GLOBAL ïdeyası. Jaña aqıldastıq alañında Prezïdent Nur­sul­tan Nazarbaev Qazaq­stan­dı jahandıq sayasattıñ belsendi qatıswşısı retin­de tanıttı.

Qazaqstannıñ Ewropadağı Qawipsizdik jäne Intımaqtastıq Uyımına tabıstı törağalıq etwi jäne  G-global äleminiñ tujı­rımdamasın usınwı ay­maqtıq mäselelerge ğana emes, adam­zattıq tüytkilderdiñ tüyi­nin tarqatwğa qawqarımız jete­tindigin däleldedi. Qazaqstan ba­tıs pen şığıs elderiniñ stra­tegïyalıq äriptesi retinde örkenïetti qawımdastıqtıñ mañızdı nısanına aynaldı. Bul jolda bïik maqsattar qoyğan elimizde ekonomïkalıq jäne sayasï tabıstar eselendi desek artıq aytqanımız emes. Munıñ bäri –köpvektorlı sayasat ustanıp kele jatqan Elbasınıñ tikeley eñbeginiñ nätïjesi.

Turaqtılıq tañdawı

Qazaqstan energetïkalıq tasımal däliziniñ boyında ornalasqan.  Qoynawımız munay men gazğa asa bay. Bul twralı älemge tanımal sarapşılardıñ biri, bey­bitşilik salasındağı Nobel' sıylığınıñ ïegeri Genrï Kïssïndjer «Qazaqstan ülken örkenïetterdiñ tüyisken jerinde ornalasqan, äri älemdik narıqqa kömirswtegi önimderin beretin asa iri memleket» dep aytqan bolatın.  Alayda, Qazaqstan  älem elderine tek öndirip otırğan wranı men munayı arqılı mañızdı deytin pikirdi ustanatındar  qatelesedi.  Öytkeni, Qazaqstanda  eñ aldımen turaqtılıq pen tınıştıq saltanat qurğan. YAğnï, Elbası Nursultan Nazarbaevtıñ jüzege asırıp otırğan sayasï jüyesi demokratïyalıq qundılıqtarmen, sayasï-quqıqtıq tetikterimen erekşelenedi. Bul öz kezeginde älem qawımdastığınıñ aldında qurmet pen senimdi arttıra bermek.

Prezïdent bastamasımen qolğa alınğan, jahandıq mäsele­lerge degen közqarastar men olar­dı şeşwdiñ san joldarın qaras­tıratın G-global jobası ayqın maqsatqa negizdelgeni de osıdan. Külli älem elderimen kelisilgen, jahandıq deñgeyde jañğırtw ürdisin qolğa alw kerek­tigin ult köşbasşısı däleldedi.

Jahan damwındağı jaña serpin

Memleket basşısınıñ mälim-dewinşe, G-global ïdeyasınıñ äleweti älemdik qoğamdastıqtıñ keñinen qoldawı arqasında arta tüsti.  G-global suhbat alañı –älemdik qarjı dağdarısınan şığw tetikterin qurw jäne talqılawğa bağıttalğan halıqaralıq vïrtwaldı joba. Bul arqılı barlıq memleketterdi, älemdik sayasattıñ memleketaralıq jäne ükimettik emes swb'ektilerin, sonday-aq, jekelegen sayasatkerlerdi, qoğam qayratkerlerin, sarapşılar men ğalımdardı ıntımaqtaswğa şaqırw. Büginde suhbat alañı mamandardıñ aytwınşa, 150 eldegi jüz mıñdağan paydalanwşılardıñ basın qosqan. «Ewrazïyalıq ekonomïkalıq ğalımdar klwbı» qawımdastığınıñ mälimetine sensek, atalmış sayttı jıl sayın  on mıñ adam paydalanadı eken. Osılayşa ekonomïkalıq jäne saraptamalıq sayttar rey­tïngisinde Davostıq kez­de­swlerdiñ ïnternet-reswrsınan keyingi ekinşi orında tur. Al, izdew ïndeksi boyınşa barlıq ekonomïkalıq forwmdardı basıp ozğanı eldi qwantadı. Bïılğı jılı Astana qalasında ötken forwmda  Elbası adamzat örkenïeti damwınıñ konstrwktïvïzmi bes qağïda negizinde qamtamasız etilse, onı G-Global qağïdaları dep atawdı usındı. Onıñ aytwınşa, adamzat revolyucïyalar men älemdik soğıstardıñ lïmïtin ötken ğasırda sarqıdı. «XXI ğasırda ğalamdıq säwletti tabıstı jañartw tek qana ilgeri damw – evolyucïyalıq jolmen ğana iske asırılwı mümkin. Arab köktemi körsetkendey, revolyucïyalar tek qoğamnıñ damwın tejeydi, olardıñ ekonomïkasın keri aparıp tastaydı, köptegen problemalar twdıradı» degen  bolatın.
G-global –kez kelgen ïnternet paydalanwşınıñ türli zïyat­kerlik jumıstarğa, atap aytqanda saraptamalıq şolwlarğa, pikir­talastarğa, bïznes jobalar men sawalnamalarğa qatıswına müm­kindik beretin jaña format retinde äygilendi.  Ol – ulttıq ekonomïkanıñ damwına, älemdik ekonomïkanıñ reformalanwı-na, qala berdi jahandıq deñ­geydegi dağdarısqa qarsı kü­res tetikteriniñ jasalwına qızı­ğwşılıq bildiretin, barlıq älewmettik top ökilderine arnalğan ämbebap joba. Al  is jüzinde jumıs alañı retinde Astana ekono­mïkalıq forwmında tanıldı. Sodan beri Astana qalası barşa älem qawımdastığınıñ aldında bedeldi jahandıq aqıldastıq alañına aynalıp keledi.

Besinşi Astana Ekonomïkalıq forwmında Prezïdent Nursul­tan Nazarbaev usınğan G-global-dıñ bes qağïdası: evolyucïya; ädil­dik, teñdik, mämile; jahandıq toleranttıq pen senim; jahan­dıq transparenttilik pen aşıq­tıq jäne konstrwktïvti köp­polyarlılıq qağïdaları älem ökilderiniñ nazarın özine awdarttı.  Jobanı qoldağandar qatarında  Nobel' sıylığınıñ lawreattarı – Robert Mandell, Djon Neş, Robert Kornberg, Erïk Maskïn, Djon Awmann, Fïnn Kïdland, Djeyms Mïrrlïs, halıqaralıq bïznes jäne bilim, ğılım uyımdarınıñ basqa da iri ökilderi bar.

Pikir jazw

Poçtañız jarïyalanbaydı

seven + 1 =