FOTONISANDA – BİZDİÑ ASTANA

0 117

Elordada «Jaña mıñjıldıqtıñ jaña Astanası» attı körme ötti. «Astana – türki mädenïetiniñ  astanası – 2012» jılı ayasında ötken şaranıñ uyımdastırwşıları – QR Mädenïet jäne aqparat mïnïstrligi men «Qazaqstan halqınıñ rwhanï damw qorı» AQ.

«Kerwen» sawda jäne oyın-sawıq ortalığındağı «Arw Art» galereyasına Qazaqstan, Äzerbayjan, Türkïya, Başqurtstan, Soltüstik Kïpr, Gagawzïya (Moldova), Hakasïya jäne Tatarstannan jïnalğan 25 fotoswretşiniñ twındısı qoyıldı. Astananı san qırınan beynelegen fotoswretşiler özderiniñ täjirïbe öresinde özgeşe twındı jasawğa umtılğandarın bayqattı.

Swretşilerdi marapattaw saltanatında Mädenïet komïtetiniñ törağası Tilewğalï Qışqaşbaev barlıq qatıswşılarğa mïnïstrliktiñ alğıs hatın tabıstap, «Körmede Astananıñ zamanawï qalpı men damwı, sonımen qatar qalanıñ halıqaralıq isker jäne mädenï ortalıq retinde qalıptasw ürdisi fototwındılar arqılı körsetildi» degen lebizin bildirdi.

«Bul jobağa qatısqanıma öte qwanıştımın. Bul elordamızdıñ türki tildes elderdiñ astanası jılı ayasındağı köp şaranıñ biri ğana. Degenmen, fotoswretşiler üşin bas qosıp, täjirïbe almaswğa, ortaq joba şeñberinde bir-birimizdi bile tüswimizge zor mümkindik berildi. Bawırlas elderden kelgen äriptesterimmen birlese jumıs jasağan mağan qızıq, äri paydalı boldı» deydi astanalıq fotoswretşi Armat Bektas.

Şınar ÄBİLDA

Pikir jazw

Poçtañız jarïyalanbaydı

5 + 10 =