©2020 Astana Aqşamı
Parlamenttiñ tömengi palatasına Qazaqstan halqı Assambleyasınan depwtat bolıp saylanğan Vladïmïr Bojko Astana qalasınıñ etnomädenï ortalıqtarınıñ jetekşilerimen kezdesti.
Kezdeswde el täwelsizdiginiñ 25 jıldığına oray Assambleya jumısın jandandırıp, onıñ qızmetin qalıñ buqarağa jetkizwdiñ mañızdılığına män berdi. Depwtat Mäjiliste biregey partïyaaralıq dïalogtı qurw ülgisi retinde qurılğan depwtattıq toptıñ jumısı twralı ayttı. Onda Qazaqstan halqı Assambleyasınan saylanğan depwtattardan basqa, «Nur Otan» partïyası, Qazaqstannıñ kommwnïstik halıqtıq partïyası men «Aq jol» partïyasınıñ parlamenttegi ökilderi kirgenin jetkizip, saylawşılar talabın jüzege asırwdağı toptıñ erejemen qarastırılğan quqıqtarına toqtaldı. Sonımen birge, etnomädenï ortalıqtardıñ jumıstarın jandandırw maqsatında Assambleyanıñ qurılımdarı arasındağı qızmetin üylestirip, ortaq müdde üşin birlese jumıs istewge şaqırdı. Türli mädenï şaralardı, basqa da awqımdı jobalardı iske asırwda «Qayırımdılıq, demewşilik jäne mecenattıq qızmet twralı» zañda qarastırılğan qarjılandırw tetikterin tïimdi paydalanwdı usındı.
Sonımen qatar, Mäjilis depwtatı etnomädenï ortalıqtarı ökilderiniñ suraqtarına jawap berip, qoğamdıq kelisim men birlikti nığaytwdağı jumıstarına tabıs tiledi.
Aygül WAYSOVA