ەتنومادەني ورتالىقتار وكىلدەرىمەن كەزدەستى

0 104

پارلامەنتتىڭ تومەنگى پالاتاسىنا قازاقستان حالقى اسسامبلەياسىنان دەپۋتات بولىپ سايلانعان ۆلاديمير بوجكو استانا قالاسىنىڭ ەتنومادەني ورتالىقتارىنىڭ  جەتەكشىلەرىمەن كەزدەستى. 

كەزدەسۋدە ەل تاۋەلسىزدىگىنىڭ 25 جىلدىعىنا وراي اسسامبلەيا جۇمىسىن جانداندىرىپ، ونىڭ قىزمەتىن قالىڭ بۇقاراعا جەتكىزۋدىڭ ماڭىزدىلىعىنا ءمان بەردى. دەپۋتات ماجىلىستە بىرەگەي پارتياارالىق ديالوگتى قۇرۋ ۇلگىسى رەتىندە قۇرىلعان دەپۋتاتتىق توپتىڭ جۇمىسى تۋرالى ايتتى. وندا قازاقستان حالقى اسسامبلەياسىنان سايلانعان دەپۋتاتتاردان باسقا، «نۇر وتان» پارتياسى، قازاقستاننىڭ كوممۋنيستىك حالىقتىق پارتياسى مەن «اق جول» پارتياسىنىڭ پارلامەنتتەگى وكىلدەرى كىرگەنىن جەتكىزىپ، سايلاۋشىلار تالابىن جۇزەگە اسىرۋداعى توپتىڭ ەرەجەمەن قاراستىرىلعان قۇقىقتارىنا توقتالدى. سونى­مەن بىرگە، ەتنومادەني ور­تا­لىق­تاردىڭ جۇمىستارىن جانداندىرۋ ماقساتىندا اسسامبلەيانىڭ قۇرىلىمدارى اراسىنداعى قىزمەتىن ۇيلەستىرىپ، ورتاق مۇددە ءۇشىن بىرلەسە جۇمىس ىستەۋگە شاقىردى. ءتۇرلى مادەني شارالاردى، باسقا دا اۋقىمدى جوبالاردى ىسكە اسىرۋدا «قايىرىمدىلىق، دەمەۋشىلىك جانە مەتسەناتتىق قىزمەت تۋرالى» زاڭدا قاراستىرىلعان قارجى­لاندىرۋ تەتىكتەرىن ءتيىمدى پايدالانۋدى ۇسىندى.
سونىمەن قاتار، ءماجىلىس دەپۋتاتى ەتنومادەني ورتالىقتارى وكىلدەرىنىڭ سۇراقتارىنا جاۋاپ بەرىپ، قوعامدىق كەلىسىم مەن ءبىر­لىكتى نىعايتۋداعى جۇمىستارىنا تابىس تىلەدى.

ايگۇل ۋايسوۆا

پىكىر جازۋ

پوچتاڭىز جاريالانبايدى

two + 14 =