Ең басты өлшем – сапа

Висенте Гонсалес Лоссерталес, Халықаралық көрмелер бюросының Бас хатшысы

 Кеше елімізге Халықаралық көрмелер бюросының Бас хатшысы Висенте Гонсалес Лоссерталес ресми сапарымен келді. Мақсат – Астанада «ЭКСПО-2017» халықаралық көрмесін ұйымдастыру бойынша тіркеу құжаттамасын әзірлеу және көрменің тіркеу үрдісі мәселелерін талқылау. Осыған орай ҚР Премьер-Министрінің орынбасары Қайрат Келімбетов пен Висенте Лоссерталес Риксос қонақ үйінде баспасөз мәслихатын өткізді. Жиында мәртебелі мейман журналистердің сұрағына жауап берді. 

– Қазақстандық тарап тіркеу құ­­жат­тамасын, жобаның әрбір са­ла­­сын: құрылыс, тақырып, жарна­ма,­ қаланың инфрақұрылымын да­мы­ту, қаржыландыру, инвестиция­лар мен көрме нысандарын көр­ме­­ден кейін пайдалану және та­ғы бас­қа мәселелер бойынша бағ­дар­­­ла­малар мен стратегиялары көр­­се­тілген құжат әзірлеуі керек. Мем­­лекеттік корпорация, Ұйым­дас­тыру комитетін және бас­қа да құ­рылымдар құру сияқты қа­был­дан­­ған шаралар саяси бақы­лау­ға­ бағытталып отыр және олар ХКБ ұйымының ережесіне және көр­ме­ні өткізу тәжірибесіне сай ке­леді. Одан кейін, бірінші кезек­те, көрмені өт­кізудің барлық аспектілерін зерде­леу керек.

– Қазақстанның көрмеге ұсын­ған тақырыбының ерекшелігі не­де?

– Қазақстан көрмеге жаңа рух бе­реді. EXPO табиғи ресурстарға бай жас елдің даму жолын көрсете отырып, өзге елдер алдында жауап­кер­ші­лік жүктейді. Таңдалған тақырып мем­лекттің жасыл экономиканы құ­руға деген талпынысын, өзге елдермен аталмыш салада ой алмасуға де­ген ынтасын көрсетеді. Бұл Қа­зақ­­станның өзіндік ерекшелігі. Пре­­зи­дент­ Н.Назарбаев ұсынған тың­ бастамаларды қызу қолдаймын. Мен «Қазақстан-2050» стратегиясымен таныстым. Онда ЭКСПО көрмесі мен басқа да халықаралық шара­лар­ды елді өркендету мақса­тында қолдану мүмкіндіктері жа­зыл­ған. Меніңше, елдің даму ба­ғыты дұрыс жолға қойылған.

– Көрмені ұйымдастырудың ал­ғаш­қы қадамы неден басталмақ?

– ХКБ 2014 жылдың соңында «ЭКСПО-2017» көрмесіне қа­ты­су­шы ел­дер­мен алғашқы тех­ни­ка­лық­ кез­де­су өткізбек. Қазақстан та­­ра­­бы көрме өткізуге қатысты жайт­­­тар­дың­ бар­лы­ғын егжей-тег­жей­­лі әзірле­ген­нен ке­йін әртүрлі ел­­дердің же­ке сектор өкіл­дерін кез­­десуге­ ша­қы­ру­ға­ мүм­кіндік бо­­лады. Олар ЭКСПО көр­месін өт­кі­зуге көмектеседі. Ол үшін Қазақстан көрмені өткізудің жоспары бүге-шігесінен дейін түзілген тіркеу құжатын ХКБ-ға жіберу тиіс. Тіркеу кезеңі өткеннен кейін, біз келесі жылдан бастап-ақ түрлі елдерді көрмеге қатысуға ша­қы­ратын боламыз.

– Сіздіңше, көрмеге қанша ел қатысады?

– Астанадағы көрмеге 100 шақ­ты­ мем­ле­кет­ қатысуы мүмкін. Көр­­­менің «Болашақ энергиясы»­ та­қы­рыбы көптеген елдер үшін өте ма­ңызды. Қазір көрменің әлеуетті қа­тысушыларына қатысты қандай да­ бір санды айту өте қиын. БҰҰ-на­ мүше елдердің саны 192 бол­ған­дық­тан, қатысушылар саны да ар­туы мүмкін екендігін жоққа шы­ғарған жоқ. Біз қатысушы елдер­дің­ саны бойынша рекорд жасау­дан аулақпыз. Дайындалатын павильондардың сапасы лайықты деңгейде болуы үшін бәрін жасаймыз. Біз көрмеге келушілердің көңілінен шыққымыз келеді. Ең басты өлшем – сапа.

Айнұр Санабек