ەنەرگيالىق شىعىننىڭ الدىن الساق قايتەدى؟

0 204

deputat-0

وسى اپتادا پارلامەنت سەناتىنىڭ وتىرىسىندا ءسوز العان سەناتور قوجاحمەت بايماحانوۆ­ ۋاقىت ولشەمىن وزگەرتۋ تۋرالى­ ۇسىنىس ايتتى.

«جالپى، ەلىمىزدىڭ ەنەرگيا ۇنەمدەۋگە قاتىستى قابىلداپ جاتقان سان ءتۇرلى باعدارلامالارى مەن جوبالارى قۇپتارلىق-اق. دەسەك تە، مەنى مىناداي ءبىر ماسەلە الاڭداتادى. ەلىمىزدىڭ گەوگرا­فيا­لىق ورنالاسۋى تۇر­عى­سىنان ساعات­تىق بەلدەۋلەرى ءبىرشاما ۋاقىت الشاقتىعىن تۋىنداتادى. الايدا، التاي مەن اتىراۋ اراسىندا بايتاق دالامىزدا ءبىر عانا ساعاتتىق ولشەمنىڭ ەنگىزى­لۋى ەل­ تۇر­عىن­دارى ءۇشىن ءبىرشاما قولايسىزدىق تۋدى­­رۋ­مەن قاتار، ەكونوميكالىق تۇرعىدان دا ءتيىمسىز دەپ ويلايمىن. مىسالى، قىستىڭ كۇنى الماتى مەن قىزىلوردادا تاڭعى 9-دار شاماسىنداعى مەزگىل بىردەي ەمەس. بۇل ماسەلەدە الەۋمەتتىك سالا ماماندارى مەن وقۋشىلارىمىزعا قيىن. قاراڭعىلىقتان قىزمەتىنە كىرىسەتىن مەكەمەلەر ءۇشىن دە قانشاما ەنەرگيالىق شىعىندارعا اكەلەدى. جالپى، ءبىزدىڭ ەلدە قىزىلوردا مەن قوستاناي وبلىسىنداعى ۋاقىت ولشەمدەرىن قايتا قاراستىرعانىمىز ءجون سەكىلدى» دەگەن سەناتور ساۋالىنا پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ الداعى ۋاقىتتا جاۋاپتى ماماندارمەن كەڭەسىپ، وڭ شەشىم قابىلداۋعا دايىن ەكەندىگىن جەتكىزدى.

پىكىر جازۋ

پوچتاڭىز جاريالانبايدى

4 + 3 =