Emhanağa – jaña apparat

0 48

№4 qalalıq emhanağa angïografïyası bar jaña komp'yuterlik tomografïya apparatı alındı. Kardïopaketi bar zamanawï jabdıq jürek-qan tamırları jüyesine tolıq dïagnostïka jürgizwge mümkindik beredi.

kt

Kardïo komp'yuterlik tomografïyanıñ artıqşılığı – ïnvazïyalıq emes ädister arqılı jürek-qan tamırları awrwların anıqtaw mümkindigi.

– Pandemïya dïagnostïkalıq jabdıqtar medïcïna qızmetkerleriniñ jumısın jeñildetip, awrwlardı anıqtawda kömekşi qural ekenin körsetti, ol medïcïnalıq kömek körsetw sapasın jaqsartadı. Sonımen baylanıstı qala äkimdigi jäne Qoğamdıq densawlıq saqtaw basqarması birlese osınday joğarı tehnologïyalı apparatpen tek qala awrwhanaların ğana emes, bastapqı medïcïnalıq-sanïtarlıq kömek uyımdarın jabdıqtawğa şeşim qabıldadı. Qalalıqtardıñ jaylılığı üşin qalanıñ barlıq awdandarındağı medïcïna mekemelerine alıp berwdi josparlap otırmız, – dedi Qoğamdıq densawlıq saqtaw basqarmasınıñ basşısı Tïmwr Muratov emhananı aralaw barısında.

Jaña KT apparat arqılı dïagnostïkadan tegin medïcïnalıq kömektiñ kepildendirilgen kölemi şeñberinde jäne tek qana därigerdiñ joldawımen elorda turğındarı tegin öte aladı. Qalalıqtarğa ıñğaylı bolw üşin atalğan jabdıqpen dïagnostïkalaw üşin emhanada bastı kireberisten basqa jağınan esik aşılğan. Basqarma ökilderiniñ mälimetinşe, tağı osınday 3 KT apparat alınbaq, olardıñ ekewi qala emhanalarına, birewi awrwhanağa beriledi. Bıltır qala boyınşa osınday eki jabdıq satıp alınğan edi. Sonımen qatar buğan deyin flyuorografïyalıq tekserw boyınşa 2 cïfrlı jıljımalı keşen, 6 rentgen apparatı, 2 KT-ğa qol jetkizilgen bolatın.

 

Pikir jazw

Poçtañız jarïyalanbaydı

one × three =