Em qabıldaw qawipsiz be?

0 51

Qalalıq «Ädilet» tutınwşılar quqığın qorğaw qoğamdıq birlestiginiñ uyımdastırwımen medïcïnalıq kömektiñ sapası jäne tutınwşılardıñ quqıqtarın qorğaw jöninde jïnalıs ötti.

Jïnalıstıñ kün tärtibinde elordamızdağı emdew mekemeleriniñ qızmet körsetw sapası, jekemenşik emhanalardıñ, tis emdew jäne sulwlıq salondarınıñ jumısı jaylı söz qozğaldı. Birlestik törağası Qabıken Zakarïyanov bas qalamızda densawlıq saqtaw salasına basa män berilip, ïnfraqurılımdarı jañarıp, ozıq emdew aspaptarımen jabdıqtalğanımen, därigerlerdiñ arasında emdelwge kelgen nawqastarğa sapalı qızmet körsete almaytının jetkizip, naqtılı mısaldar keltirdi. «Äsirese, jekemenşik emhanalar men sulwlıq salondarına barıp emdelip, densawlığı nemese terisi zaqımdalıp qalıp, bizge arızdanatındar köbeydi. Sebebi bul orındarda isteytin mamandardıñ köbinde käsiptik bilimi, şeberligi joq. Osıdan barıp turğındar zardap şegip jatır. Biz osı mäselelerdi jiti qadağalap, qala äkimdigine arnawlı tekserw qağazdarın jazıp, orın alğan mäselelerdiñ tezirek şeşilwine, tutınwşılardıñ quqın saqtawğa meylinşe qızmet körsetemiz» dedi qoğamdıq uyım jetekşisi. Jïnalısta densawlıq saqtaw uyımdarınan kelgen mamandar da söz söylep, medïcïnalıq kömektiñ sapasın köterw jöninde öz oyların ortağa saldı.

Pikir jazw

Poçtañız jarïyalanbaydı