ەم قابىلداۋ قاۋىپسىز بە؟

0 51

قالالىق «ادىلەت» تۇتىنۋشىلار قۇقىعىن قورعاۋ قوعامدىق بىرلەستىگىنىڭ ۇيىمداستىرۋىمەن مەديتسينالىق كومەكتىڭ ساپاسى جانە تۇتىنۋشىلاردىڭ قۇقىقتارىن قورعاۋ جونىندە جينالىس ءوتتى.

جينالىستىڭ كۇن تارتىبىندە ەلوردامىزداعى ەمدەۋ مەكەمەلەرىنىڭ قىزمەت كورسەتۋ ساپاسى، جەكەمەنشىك ەمحانالاردىڭ، ءتىس ەمدەۋ جانە سۇلۋلىق سالوندارىنىڭ جۇمىسى جايلى ءسوز قوزعالدى. بىرلەستىك توراعاسى قابىكەن زاكاريانوۆ باس قالامىزدا دەنساۋلىق ساقتاۋ سالاسىنا باسا ءمان بەرىلىپ، ينفراقۇرىلىمدارى جاڭارىپ، وزىق ەمدەۋ اسپاپتارىمەن جابدىقتالعانىمەن، دارىگەرلەردىڭ اراسىندا ەمدەلۋگە كەلگەن ناۋقاستارعا ساپالى قىزمەت كورسەتە المايتىنىن جەتكىزىپ، ناقتىلى مىسالدار كەلتىردى. «اسىرەسە، جەكەمەنشىك ەمحانالار مەن سۇلۋلىق سالوندارىنا بارىپ ەمدەلىپ، دەنساۋلىعى نەمەسە تەرىسى زاقىمدالىپ قالىپ، بىزگە ارىزداناتىندار كوبەيدى. سەبەبى بۇل ورىنداردا ىستەيتىن مامانداردىڭ كوبىندە كاسىپتىك ءبىلىمى، شەبەرلىگى جوق. وسىدان بارىپ تۇرعىندار زارداپ شەگىپ جاتىر. ءبىز وسى ماسەلەلەردى ءجىتى قاداعالاپ، قالا اكىمدىگىنە ارناۋلى تەكسەرۋ قاعازدارىن جازىپ، ورىن العان ماسەلەلەردىڭ تەزىرەك شەشىلۋىنە، تۇتىنۋشىلاردىڭ قۇقىن ساقتاۋعا مەيلىنشە قىزمەت كورسەتەمىز» دەدى قوعامدىق ۇيىم جەتەكشىسى. جينالىستا دەنساۋلىق ساقتاۋ ۇيىمدارىنان كەلگەن ماماندار دا ءسوز سويلەپ، مەديتسينالىق كومەكتىڭ ساپاسىن كوتەرۋ جونىندە ءوز ويلارىن ورتاعا سالدى.

پىكىر جازۋ

پوچتاڭىز جاريالانبايدى