ەلوردانىڭ جاي-كۇيىن باياندادى

ەلباسى نۇر-سۇلتان قالاسىنىڭ اكىمى التاي كولگىنوۆتى قابىلدادى

0 65

Elbasy.kz سايتى حابارلاعانداي، كەزدەسۋدە ەلباسى پاندەميا جاعدايىندا حالىقتىڭ الەۋ­مەتتىك ءالسىز توپتارى مەن شاعىن جانە ورتا بيزنەس وكىلدەرىن قورعاۋدىڭ ماڭىزدىلىعىنا نازار اۋداردى.ءوز كەزەگىندە ا.كولگىنوۆ ءبىلىم بەرۋ، دەنساۋلىق ساقتاۋ، پوليتسيا، مادەنيەت، سپورت سالاسى قىزمەتكەرلەرى مەن الەۋمەتتىك تۇرعىدان از قامتىلعان تۇرعىندارعا ارنالعان قولجەتىمدى باسپانا قۇرىلىسىنىڭ بارىسى تۋرالى اقپارات ۇسىندى. سونداي-اق ەلوردا اكىمى نۇرسۇلتان نازارباەۆقا قالانىڭ جول جانە ينجەنەرلىك ينفراقۇرىلىمى، الەۋمەتتىك جوبالار، تۇرعىن ءۇي الاپتارىن اباتتاندىرۋ باعىتىندا قابىلدانعان شارالار تۋرالى ايتىپ بەردى.

***
سونداي-اق ەلباسى «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆتى قابىلدادى. كەزدەسۋدە ەلباسىنا پاندەميا جاعدايىندا وتاندىق بيزنەستى قولداۋ شارالارى تۋرالى مالىمەت بەرىلدى. ا.مىرزاحمەتوۆ حالىقتىڭ الەۋمەتتىك تۇرعىدان از قامتىلعان توپتارى ءۇشىن ءدارى-دارمەك پەن مەديتسينا بۇيىمدارىن شىعاراتىن وتاندىق وندىرۋشىلەرمەن جۇرگىزىلىپ جاتقان جۇمىستار تۋرالى ايتىپ بەردى.

***
قاۋىپسىزدىك كەڭەسىنىڭ توراعاسى نۇرسۇلتان نازارباەۆ پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆتى قابىلدادى. كەزدەسۋدە نۇرسۇلتان نازارباەۆ كۇردەلى ەپيدەميولوگيالىق احۋال، الەمدىك ەكونوميكالىق داعدارىس پەن ايماقتىق سىن-قاتەرلەر جاعدايىندا ۇلتتىق قاۋىپسىزدىك جۇيەسىنىڭ قىزمەتىن ۇيلەستىرۋدى كۇشەيتۋ قاجەتتىگىن اتاپ ءوتتى. ءا.يسەكەشەۆ ەلباسىعا قاۋىپسىزدىك كەڭەسى اپپاراتىنىڭ ۇلتتىق قاۋىپسىزدىكتىڭ، ونىڭ ىشىندە ەكونوميكالىق، اقپاراتتىق جانە اسكەري قاۋىپسىزدىكتىڭ نەگىزگى باعىتتارى بويىنشا جۇرگىزىپ جاتقان جۇمىستارى تۋرالى اقپارات بەردى. سونداي-اق قاۋىپسىزدىك كەڭەسىنىڭ حاتشىسى قۇقىق قورعاۋ جۇيەسىن ودان ءارى دامىتۋ جانە ەلدەگى قىلمىس دەڭگەيىن تومەندەتۋ باعىتىندا قابىلدانىپ جاتقان شارالار تۋرالى باياندادى. كەزدەسۋ قورىتىندىسى بويىنشا قاۋىپسىزدىك كەڭەسىنىڭ توراعاسى ۇلتتىق قاۋىپسىزدىكتى قامتاماسىز ەتۋدىڭ نەگىزگى ماسەلەلەرى بويىنشا بىرقاتار تاپسىرما بەردى.

پىكىر جازۋ

پوچتاڭىز جاريالانبايدى

3 × five =