Elordanıñ aynası

0 108

«Astana aqshamy» jäne «Veçernyaya Astana» gazetteri otız jıldıq belesin bağındırdı. Bul bir qarağanda qas-qağım sät sekildi! Alayda tarïh tarazısına salsaq, otız jılda eki basılımda tör qalanıñ jılnaması jazıldı. Sonaw KSRO zamanınan beri şığa bastağan basılım bas qalanıñ aynasına aynaldı. Bas şahar bolğanğa deyingi, elordağa aynalğannan keyingi tarïh 30 jıldıq jılnamada tasqa basıldı. Burınğı Astananıñ, bügingi Nur-Sultannıñ tarïhı – täwelsiz Qazaqstannıñ tarïhı. Kün sayın körkeygen jas elordamızdıñ keşegisi men büginin bilgisi kelgen oqırman osı eki gazettiñ betterinen oqï aladı.

Otız jıldıq mereytoydıñ qarsañında jwrnalïster gazettiñ sarğayğan paraqtarın aşıp, är jıldarı jazılğan dünïelerge (maqala, suhbat, reportaj, swretteme, oçerk, kösemsöz jäne t.b.) bir märte köz jügirtti. Gazetterdiñ ärbir nömirinde qoğamdağı eñ kökeytesti, kürdeli, ötkir mäseleler köterilip, oqırmandardıñ köñilinen şığıp otırğan. Sonaw 90-şı jıldardan täwelsizdigimiz nığaya tüsken bügingi künge deyin bas qalada ötken nebir ayşıqtı, mañızdı oqïğalarğa kwä bolıp, solardıñ barlığın patşa köñildi oqırmanğa der kezinde jetkizip otırıppız. Bul – ülken jetistik, eren eñbek! Demek qos basılım – elordanıñ aynası dewge boladı.
Mäselen, 30 jılda «Astana aqshamy»-nıñ atawı birneşe ret özgerdi. Bas redaktorlar da awısıp otırdı. Alayda gazettiñ bastı ustanımı, aqïqattı tw etken bağdarı özgergen joq. Kerisinşe, bas qalağa aynalğannan keyin jwrnalïsterdiñ jawapkerşiligi artıp, märtebesi bïiktedi. Burınğı birneşe mıñdağan turğını bar qaladan alıp megapolïske aynalğan şahardıñ şamşırağı bolıp qalıptas­tı. Eñ bastısı, basılımdar özine adal, senimdi, turaqtı oqırmandarımen birge jasap keledi.
Astanalıq märtebesine say aqşamdıqtar kötermeytin, bizdiñ jwrnalïsterdiñ qalamına tıs qalatın taqırıp ta, mäsele de joq. Bas qalanıñ ekonomïkası, älewmettik jäne qoğamdıq ömirindegi aytwlı oqïğalar, özekti problemalar eşqaşan gazetterdiñ betinen tüsken emes. Öytkeni bul – bügingi künniñ şındığı. Bizdiñ jwrnalïster sol şındıqtı ar-ïmanına süyenip, batıl jazwdı öziniñ qasïetti borışı dep sanaydı.
«Qay eldiñ baspasözi mıqtı, sol eldiñ bolaşağı jarqın» dep Alaş ardaqtısı Mirjaqıp Dwlatulı aytqanday, bas qalanıñ basılımı örkendegen sayın, täwelsizdigimiz de jarqın boları sözsiz. Eñ bastısı, oylı oqırmandarımızğa bizben birge jasay beriñizder demekpin!

Jarqın JUMADİLOV,
«ELORDA AQPARAT»
JŞS dïrektorı

Pikir jazw

Poçtañız jarïyalanbaydı

three × four =