Елордалар ендігі

ПАРИЖ. Жексенбі күні Фран­­­ция­дағы католик эпис­коп­­тары он­ мыңнан астам ере­уіл­­­­шілермен ті­зе қосып, нара­зы­­лық таныту үшін Париж кө­­ше­леріне шықты. Ва­тикан ра­­­диосының хабарлауын­ша,­ на­ра­­зылық манифесті ел­де­гі гомо­­­­сексуалдық некені заң­дас­тыру жә­­не біржынысты от­ба­­сы­лар­дың­ же­тімдер үйінен бала асырап­ алуы­на жол беретін шешім­де­рі­не бай­ланысты болған. Шеруге шық­қандардың үндеуі Франция аста­насы архиепар­хия­сының сай­тында жарияланды. Католиктер қол қойған бұл құжат атал­ған жайтқа жол беріліп отырған заңды қабылдатпай тастау мақса­тында Париж қаласының мэрі мен сенаторларға да жолданды.

ВАШИНГТОН. АҚШ Пре­­зи­­ден­ті Барак Обаманың алда­ғы болмақ инаугурациясына дайын­дық өткізілді. Дәстүр бойынша, мемлекет басшысының қызметке кірісу сал­танаты Капитолий төбесінде өте­ді. Ол үшін қазірдің өзінде арнайы тұғыр орнатылған. Инаугурация алдындағы дайындық барысында АҚШ астанасы орталығымен әскери музыкалық оркестр марш жа­сап өтті. Соған орай, Ақ үй мен АҚШ Конргесіне таяу көшелердің бәрі уақытша жабылды. 21 қаңтар күні Капитолий төбесінде ант қа­был­дау рәсімі өткеннен кейін дәл осы жолдармен АҚШ Президенті Ба­рак Обаманың кортежі Ақ үйге қа­рай бет алатын болады.

ТУНИС. Кеше Тунисте 2011 жыл­ғы «14 қаңтар» төңкерісінің екі жылдығы атап өтілді. Бұл оқиға бер­­тінде «араб көктемі» деп атал­ған Таяу Шығыс пен Солтүстік Аф­ри­ка­дағы саяси процестердің басы бол­ған еді. Атап айтқанда, 2011 жыл­дың 14 қаңтары күні 23 жасар Зин аль-Абидин бен Али Тунисте болған қысымдардан Сауд Арабия-сына қашып барған. Кешегі мерекелеу барысында, Тунис көшелері ұлттық нақышта безендіріліп, туға көмкерілді. Елде түрлі ресми және спорттық, мәдени шаралар орын алды.

Нәзира САЙЛАУҚЫЗЫ