Elektrondıq äkimdik

0 134

Kökseñgirimiz kök şañ boldı

Kökseñgir köşesindegi jol jïegine kün sayın bir KamAZ kelip qoqıs tögedi. Qurılıstıñ qoqır-soqırı, tas, temir… Olay-bulay jürgen kölikter   doñğalaqtarın jarıp alıp jatadı. Jel tursa bitti, kül-qoqıs burqırap jürer jolımızdı kök şañ qıladı. Qalanıñ şetinde bolğandıqtan, onsız da jetisip turmağan turağımızdıñ at köpiri şıqtı. Tärtipke köndikpeytin köliktiñ fotosı men nömirin özderiñizge joldap otırmın. Bir jönge salsañızdarşı.

YU.V

 Ötiniş 4 qırküyekte tüsip, 5 künde şeşimin taptı.

İİD Jol polïcïyası basqarması:

– Atalğan fakti boyınşa Sarıarqa awdanı işki ister basqarmasınıñ tabïğattı qorğaw polïcïyası qızmetkerleri tekseris jürgizdi. Rasında da, Kökseñgir 37/1 meken-jayı boyınşa qurılıs qoqıstarı jïnalıp qalğanı anıqtaldı. Al «AstanaTreydÏnterneyşïnl» AQ-ğa qarastı, memlekettik nömiri Z 314 SE KamAZ avtoköliginiñ jürgizwşisi E.Q.Jumadildaev ustalıp, Äkimşilik quqıq buzwşılıq  twralı kodekstiñ 387-babı boyınşa (Qalalar men eldi mekenderdiñ awmaqtarın köriktendirw erejelerin buzw, sonday-aq, qalalar men eldi mekender ïnfraqurılımı ob'ektilerin buzw, jasıl ekpelerin joyu jäne büldirw) jawapkerşilikke tartıldı.

 

Jataqhana qojayını qorıqpaydı eken…

Üyimizdi janımızdağı 3 qabattı jataqhanağa qarastı käriz jüyesiniñ, anığıraq aytqanda, kanalïzacïya  qudığınıñ bitelip qalwı kesirinen sw alıp ketedi. Özderiñizge de, basqa da ïnstancïyalarğa bir emes, birneşe ret şağımdanıp kördik. Tük öñbedi. Al jataqhananıñ qojayını äkimdikte tanısım bar dep bet baqtırmaydı. Bul Swvorov köşesindegi №26, 28, 34, 24A, Taysoyğan köşesindegi №2 üydiñ turğındarınıñ ortaq şağımı dep biliñizder. O basta ïnjenerlik jüyesi durıs salınbağan jataqhana ïesine sizder tärtipke şaqırmasañızdar, bizden qorqatın sıñayı joq.

Elena Vasïna

Ötiniş 28 tamızda tüsip, 8 künde jawap berildi.

Memlekettik sanïtarïyalıq-epïdemïologïyalıq qadağalaw departamenti:

– Sizdiñ şağımıñızdı eskere otırıp, departament mamandarı Swvorov köşesindegi 23/1 üyge sanïtarïyalıq  tekseris jasadı. Kanalïzacïya qudığı  qatqıl qaldıqtan bitelip qalğan, awzı aşıq-şaşıq jatır.  Qojayınına anıqtalğan kemşilik-aqawlardı durıstaw jöninde sanïtarlıq nusqama jiberdik. Nätïjesin öziñizge habarlap otıramız.

 

Qudaydıñ quttı küni qımbattatsa, velo jaldaw keleşekte bolmaq qanşa?

Tamızdıñ orta şeninde azdap seyildep-sergip qaytpaq bop «Jeruyıq» sayabağınan bara qaldıq. Jalğa sağatına 500 teñgeden velosïped alğanbız. Kelesi jeksenbide barsam, aqısın 800 teñgege köterip qoyıptı. Män-jaydı surap edim, jalğa berwşi jigit döreki jawap berdi. «Olay bolsa, talon nemese çek beriñder» dep talap ettim, älgi tili men jağına süyengen jetesizdew eken, äyel eken dep sıylamadı. Sonda sayabaq awmağında jekemenşik jalğa berwşiler oyına kelgen bağanı qoya bermek pe? Öytip qatardağınıñ qaltası kötere bermeytindey qılıp qoysa, qaytip salawattı ömir saltın  ustanbaqpız? Jalpı, olar turğan jerine aqı töley me? Äweli äñgimeni osıdan bastasaq qaytedi?

Şolpan Eskendirova

Ötiniş 28 tamızda tüsip, 7 künde jawap berildi.

İşki ister departamenti:  

– Jedel tergew nätïjesinde T.E.Pirälïev, M.R.Babaev, K.E.Abaev esimdi azamattar QR Äkimşilik quqıq buzwşılıq twralı kodeksiniñ 473-şi (Jayaw jürginşilerdiñ jäne jol qozğalısına özge de qatıswşılardıñ qozğalıs erejelerin buzwı), 165-şi (ruqsat etilmegen jerde sawda jasaw) baptarıboyınşa jawapkerşilikke tartıldı. Sonımen qatar, tärtip saqşıları sayabaqtağı demalıp jürgen azamattarğa, sawda-sattıq jasawşılarğa tüsindirw jumıstarın jürgizdi. Bul bağıttağı şara äli de jalğasadı.

 

Jayaw jürginşige jağday jasalsa…

Sarayşıq köşesindegi negizgi joldıñ qos qaptalında eki jolaqtı ekinşi deñgeyli jol bar. Däl sol jolmen ızğıtıp kele jatqan kölik ayaqastı jügirip şıqqan jayaw jürginşi körmey qalwı mümkin, öytkeni, qurılıs alañınıñ bïik dwalınan aldağını birden añğarw mümkin emes. Keşiktirmey köldeneñ kedergiler («jatağan jolpol») nemese jayaw jürginşi ötkelin  salsañızdar jaqsı bolar edi. Al, negizgi küre jolda tüymesin bassañ ğana  qozğalıstı toqtatatın bağdarşamnan basqa ötkel joq. Onı da qaperiñizge salamız.

Darhan Qutjanov

Ötiniş 22 tamızda tüsip, qırküyek işinde orındawğa wäde etildi.

 Qoğamdıq kölik jäne avtomobïl' joldarı basqarması:

– Atalğan wçaskege jürginşiler ötkeli men basqa da jol belgileri qırküyektiñ ortasına deyin ornatıladı.

  

Sayajayımızğa say ötemaqı alsaq jaqsı

Promışlennıy kentiniñ Vïşnevaya köşesindegi sayajaylar buzıla ma?  Qaşan süriletinin jäne qanşa ötemaqı beretinin bilgim keledi. Meni mazalaytını sayajayımızğa say ötemaqı alsaq jaqsı.

Sänim Jumağalïqızı

Almatı awdanınıñ äkimdigi:

– Sizdiñ sawalıñızğa oray berilgen Astana qalası säwlet jäne qurılıs basqarmasınıñ mälimeti boyınşa qazirgi tañda atalğan wçaskeden «Mıñjıldıq alleyasın» tolıqtıratın köpfwnkcïonaldı turğın üy salw üşin jer telimin bölw jobası äzirlenip jatır. Sayajaylardıñ sürilwi twralı tolıqqandı aqparattı mına telefondardan bile alasız: 35-45-27 

 

Dayındağan Ädilbek Japaq

Pikir jazw

Poçtañız jarïyalanbaydı

nine + six =