ەلەكتروندىق اكىمدىك

0 134

كوكسەڭگىرىمىز كوك شاڭ بولدى

كوكسەڭگىر كوشەسىندەگى جول جيەگىنە كۇن سايىن ءبىر كاماز كەلىپ قوقىس توگەدى. قۇرىلىستىڭ قوقىر-سوقىرى، تاس، تەمىر… ولاي-بۇلاي جۇرگەن كولىكتەر   دوڭعالاقتارىن جارىپ الىپ جاتادى. جەل تۇرسا ءبىتتى، كۇل-قوقىس بۇرقىراپ جۇرەر جولىمىزدى كوك شاڭ قىلادى. قالانىڭ شەتىندە بولعاندىقتان، ونسىز دا جەتىسىپ تۇرماعان تۇراعىمىزدىڭ ات كوپىرى شىقتى. تارتىپكە كوندىكپەيتىن كولىكتىڭ فوتوسى مەن ءنومىرىن وزدەرىڭىزگە جولداپ وتىرمىن. ءبىر جونگە سالساڭىزدارشى.

يۋ.ۆ

 وتىنىش 4 قىركۇيەكتە ءتۇسىپ، 5 كۇندە شەشىمىن تاپتى.

ءىىد جول پوليتسياسى باسقارماسى:

– اتالعان فاكتى بويىنشا سارىارقا اۋدانى ىشكى ىستەر باسقارماسىنىڭ تابيعاتتى قورعاۋ پوليتسياسى قىزمەتكەرلەرى تەكسەرىس جۇرگىزدى. راسىندا دا، كوكسەڭگىر 37/1 مەكەن-جايى بويىنشا قۇرىلىس قوقىستارى جينالىپ قالعانى انىقتالدى. ال «استاناترەيدينتەرنەيشينل» اق-عا قاراستى، مەملەكەتتىك ءنومىرى Z 314 سە كاماز اۆتوكولىگىنىڭ جۇرگىزۋشىسى ە.ق.جۇمادىلداەۆ ۇستالىپ، اكىمشىلىك قۇقىق بۇزۋشىلىق  تۋرالى كودەكستىڭ 387-بابى بويىنشا (قالالار مەن ەلدi مەكەندەردiڭ اۋماقتارىن كورiكتەندiرۋ ەرەجەلەرiن بۇزۋ، سونداي-اق، قالالار مەن ەلدi مەكەندەر ينفراقۇرىلىمى وبەكتىلەرىن بۇزۋ، جاسىل ەكپەلەرiن جويۋ جانە ءبۇلدiرۋ) جاۋاپكەرشىلىككە تارتىلدى.

 

جاتاقحانا قوجايىنى قورىقپايدى ەكەن…

ءۇيىمىزدى جانىمىزداعى 3 قاباتتى جاتاقحاناعا قاراستى كارىز جۇيەسىنىڭ، انىعىراق ايتقاندا، كاناليزاتسيا  قۇدىعىنىڭ بىتەلىپ قالۋى كەسىرىنەن سۋ الىپ كەتەدى. وزدەرىڭىزگە دە، باسقا دا ينستانتسيالارعا ءبىر ەمەس، بىرنەشە رەت شاعىمدانىپ كوردىك. تۇك وڭبەدى. ال جاتاقحانانىڭ قوجايىنى اكىمدىكتە تانىسىم بار دەپ بەت باقتىرمايدى. بۇل سۋۆوروۆ كوشەسىندەگى №26, 28, 34, 24ا، تايسويعان كوشەسىندەگى №2 ءۇيدىڭ تۇرعىندارىنىڭ ورتاق شاعىمى دەپ بىلىڭىزدەر. و باستا ينجەنەرلىك جۇيەسى دۇرىس سالىنباعان جاتاقحانا يەسىنە سىزدەر تارتىپكە شاقىرماساڭىزدار، بىزدەن قورقاتىن سىڭايى جوق.

ەلەنا ۆاسينا

ءوتىنىش 28 تامىزدا ءتۇسىپ، 8 كۇندە جاۋاپ بەرىلدى.

مەملەكەتتىك سانيتاريالىق-ەپيدەميولوگيالىق قاداعالاۋ دەپارتامەنتى:

– ءسىزدىڭ شاعىمىڭىزدى ەسكەرە وتىرىپ، دەپارتامەنت ماماندارى سۋۆوروۆ كوشەسىندەگى 23/1 ۇيگە سانيتاريالىق  تەكسەرىس جاسادى. كاناليزاتسيا قۇدىعى  قاتقىل قالدىقتان بىتەلىپ قالعان، اۋزى اشىق-شاشىق جاتىر.  قوجايىنىنا انىقتالعان كەمشىلىك-اقاۋلاردى دۇرىستاۋ جونىندە سانيتارلىق نۇسقاما جىبەردىك. ناتيجەسىن وزىڭىزگە حابارلاپ وتىرامىز.

 

قۇدايدىڭ قۇتتى كۇنى قىمباتتاتسا، ۆەلو جالداۋ كەلەشەكتە بولماق قانشا؟

تامىزدىڭ ورتا شەنىندە ازداپ سەيىلدەپ-سەرگىپ قايتپاق بوپ «جەرۇيىق» ساياباعىنان بارا قالدىق. جالعا ساعاتىنا 500 تەڭگەدەن ۆەلوسيپەد العانبىز. كەلەسى جەكسەنبىدە بارسام، اقىسىن 800 تەڭگەگە كوتەرىپ قويىپتى. ءمان-جايدى سۇراپ ەدىم، جالعا بەرۋشى جىگىت دورەكى جاۋاپ بەردى. «ولاي بولسا، تالون نەمەسە چەك بەرىڭدەر» دەپ تالاپ ەتتىم، الگى ءتىلى مەن جاعىنا سۇيەنگەن جەتەسىزدەۋ ەكەن، ايەل ەكەن دەپ سىيلامادى. سوندا ساياباق اۋماعىندا جەكەمەنشىك جالعا بەرۋشىلەر ويىنا كەلگەن باعانى قويا بەرمەك پە؟ ءويتىپ قاتارداعىنىڭ قالتاسى كوتەرە بەرمەيتىندەي قىلىپ قويسا، قايتىپ سالاۋاتتى ءومىر سالتىن  ۇستانباقپىز؟ جالپى، ولار تۇرعان جەرىنە اقى تولەي مە؟ اۋەلى اڭگىمەنى وسىدان باستاساق قايتەدى؟

شولپان ەسكەندىروۆا

ءوتىنىش 28 تامىزدا ءتۇسىپ، 7 كۇندە جاۋاپ بەرىلدى.

ىشكى ىستەر دەپارتامەنتى:  

– جەدەل تەرگەۋ ناتيجەسىندە ت.ە.پىراليەۆ، م.ر.باباەۆ، ك.ە.اباەۆ ەسىمدى ازاماتتار قر اكىمشىلىك قۇقىق بۇزۋشىلىق تۋرالى كودەكسىنىڭ 473-ءشى (جاياۋ جۇرگiنشiلەردiڭ جانە جول قوزعالىسىنا وزگە دە قاتىسۋشىلاردىڭ قوزعالىس ەرەجەلەرiن بۇزۋى), 165-ءشى (رۇقسات ەتىلمەگەن جەردە ساۋدا جاساۋ) باپتارىبويىنشا جاۋاپكەرشىلىككە تارتىلدى. سونىمەن قاتار، ءتارتىپ ساقشىلارى ساياباقتاعى دەمالىپ جۇرگەن ازاماتتارعا، ساۋدا-ساتتىق جاساۋشىلارعا ءتۇسىندىرۋ جۇمىستارىن جۇرگىزدى. بۇل باعىتتاعى شارا ءالى دە جالعاسادى.

 

جاياۋ جۇرگىنشىگە جاعداي جاسالسا…

سارايشىق كوشەسىندەگى نەگىزگى جولدىڭ قوس قاپتالىندا ەكى جولاقتى ەكىنشى دەڭگەيلى جول بار. ءدال سول جولمەن ىزعىتىپ كەلە جاتقان كولىك اياقاستى جۇگىرىپ شىققان جاياۋ جۇرگىنشى كورمەي قالۋى مۇمكىن، ويتكەنى، قۇرىلىس الاڭىنىڭ بيىك دۋالىنان الداعىنى بىردەن اڭعارۋ مۇمكىن ەمەس. كەشىكتىرمەي كولدەنەڭ كەدەرگىلەر («جاتاعان جولپول») نەمەسە جاياۋ جۇرگىنشى وتكەلىن  سالساڭىزدار جاقسى بولار ەدى. ال، نەگىزگى كۇرە جولدا تۇيمەسىن باسساڭ عانا  قوزعالىستى توقتاتاتىن باعدارشامنان باسقا وتكەل جوق. ونى دا قاپەرىڭىزگە سالامىز.

دارحان قۇتجانوۆ

ءوتىنىش 22 تامىزدا ءتۇسىپ، قىركۇيەك ىشىندە ورىنداۋعا ۋادە ەتىلدى.

 قوعامدىق كولىك جانە اۆتوموبيل جولدارى باسقارماسى:

– اتالعان ۋچاسكەگە جۇرگىنشىلەر وتكەلى مەن باسقا دا جول بەلگىلەرى قىركۇيەكتىڭ ورتاسىنا دەيىن ورناتىلادى.

  

ساياجايىمىزعا ساي وتەماقى الساق جاقسى

پرومىشلەننىي كەنتىنىڭ ۆيشنەۆايا كوشەسىندەگى ساياجايلار بۇزىلا ما؟  قاشان سۇرىلەتىنىن جانە قانشا وتەماقى بەرەتىنىن بىلگىم كەلەدى. مەنى مازالايتىنى ساياجايىمىزعا ساي وتەماقى الساق جاقسى.

ءسانىم جۇماعاليقىزى

الماتى اۋدانىنىڭ اكىمدىگى:

– ءسىزدىڭ ساۋالىڭىزعا وراي بەرىلگەن استانا قالاسى ساۋلەت جانە قۇرىلىس باسقارماسىنىڭ مالىمەتى بويىنشا قازىرگى تاڭدا اتالعان ۋچاسكەدەن «مىڭجىلدىق اللەياسىن» تولىقتىراتىن كوپفۋنكتسيونالدى تۇرعىن ءۇي سالۋ ءۇشىن جەر تەلىمىن ءبولۋ جوباسى ازىرلەنىپ جاتىر. ساياجايلاردىڭ ءسۇرىلۋى تۋرالى تولىققاندى اقپاراتتى مىنا تەلەفونداردان بىلە الاسىز: 35-45-27 

 

دايىنداعان ادىلبەك جاپاق

پىكىر جازۋ

پوچتاڭىز جاريالانبايدى

5 × 2 =