Президент пәрмені

Елдің өркендеуін еселейді

Еліміздің қазіргі жағдайын Елбасы өз Жолдауында тереңнен талдап берді. Ерекшелігі сол, Мемлекет басшысы бұл құжатта 2050 жылға дейін жүзеге асырылатын стратегиялық бағыттарды айқындап берді.

Білім саласының қызметкері ре­тінде мені Жолдауда айтылған мін­деттер ішінде әлеуметтік салаға қатысты мә­селелер қызықтырды. Ел тұр­ғын­да­рының алдында тұрған бүгінгі басты мақсат – тәуелсіздік алған жылдардан бері қол жеткізген игіліктерді одан әрі ұлғайтып, келешек ұрпақтың өмір сүруіне қолайлы жағдай тудыру. Жолдау жүктеген міндеттер ел халқының бірлесе қимылдауымен, еселі еңбектенуімен орындалатыны айқын. Мем­лекеттік тілдің қолданыс аясын ке­ңей­ту, әлеуметтік саясаттың жаңа қағи­даттары, жастарға зор сенімнің артылуы алдымызға үлкен міндеттер жүктейді.

Мәселелердің үлкен бөлігі жастарға арналуы заңды да. Жастар – қоғамның қозғаушы күші. Мемлекет басшысы әрбір тапсырманы нақтылай отырып, оны жүзеге асыру жолдарын да айқын­дап берді. Қазақ жастары аталған бағдар­ламада көрсетілген негізгі мақсат-міндет­терді жете түсінуі тиіс. Осы бағытта Аста­на қаласындағы гуманитарлық кол­ледж­де де біршама іс-шаралар атқа­рылды. Оқы­тушылар мен студенттер дөңге­лек үстелдер, пікірсайыстар, талдау жұмыс­тары арқылы Жолдаудың әрбір жолына тоқталды. Колледж ұжымы мен студент жастар Елбасымыздың Жолдауын қолдай­тынын, еліміздің өркендеуіне сенетінін білдірді. Ендігі міндет – Елбасы жүктеген міндеттерді орындау мақсатында жұмыла еңбек ету.

Елбасының биылғы Жолдауы – еліміз­дің өркендеуінің алғы шарты. Әр жыл сайынғы Президент жолдауы өз жаңа­лық­тарымен, құнды идеяларымен, еліміз­дің жаң­ғыруына, өркендеуіне негіз бола­тын салмақты тұжырымдарымен ерек­шеле­неді. Біз, Елбасының елді өркениетке, ке­мел келешекке бастайтынына кәміл сенеміз.

Мейрамкүл АБСАТОВА,
Гуманитарлық колледждің әдіскері

Тағыда

admin

«Астана ақшамы» газеті

Ұқсас жаңалықтар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button